ଧାର ଟଙ୍କା କୁ କେନ୍ଦ୍ରକରି ଟାଙ୍ଗିଆ ଚୋଟରେ ଯୁବକ ହରାଇଲେ ଜୀବନ

ସୁନ୍ଦରଗଡ, ତା:୯/୧୦/୨୦୨୪(ସନ୍ଧାନ ନ୍ୟୁଜ /ଦୁର୍ଯ୍ୟୋଧନ ଗରଡ଼ିଆ )ଦେଇଥିବା ଧାର ଟଙ୍କା କୁ କେନ୍ଦ୍ରକରି ଟାଙ୍ଗିଆ ଚୋଟ ରେ ଯୁବକ ଜଣକ ହରାଇଲେ ଜୀବନ l ସୂଚନା ଅନୁସାରେ ଗତକାଲି ତଲସରା ଥାନା ଅନ୍ତର୍ଗତ ବରହାଡେ଼ମା କରୁଆଡେରା ଗ୍ରାମ ର ଶୈଳେନ୍ଦ୍ର ମାଝୀ ଙ୍କ ଠାରୁ କୁରେଇ ପଂଚାୟତ ଅନ୍ତର୍ଗତ ଲମତି ଗ୍ରାମ ଦୁର୍ଜନ ମାଝୀ 20ଦିନ ପୂର୍ବେ 2000ହଜାର ଟଙ୍କା ନେଇଥିଲେ l ଗତ କାଲି ଦେଇଥିବା ଧାର ଟଙ୍କା କୁ ଶୈଳେନ୍ଦ୍ର ମାଝୀ ଓ କିଶୋର ବେକ, ସନ୍ଦୀପ ମାଝୀ ଙ୍କ ସହିତ ସାଙ୍ଗ ହୋଇ ମାଗିବାକୁ ଯାଇଥିଲେ l ଶୈଳେନ୍ଦ୍ର ମାଝୀ ଦୁଇ ଜଣ ଙ୍କୁ ତାଙ୍କର ଘର ବାହାରେ ଛାଡି ଦେଇ ଏକା ଘର ଭିତର କୁ ପଶି ଟଙ୍କା ମାଗିବାରୁ ଦୁଇ ଜଣ ଭିତରେ ଧସ୍ତା ଧସ୍ତି ହୋଇ ଦୁର୍ଜନ ମାଝୀ ଏକ ଧାରୁଆ ଟାଙ୍ଗିଆ ରେ ଶୈଳେନ୍ଦ୍ର ମାଝୀ ଙ୍କୁ ହାଣି ଥିଲେ l 10ମିନିଟ ପରେ ତାଙ୍କ ଘର ଭିତରୁ ଟାଙ୍ଗିଆ ଚୋଟ ଖାଇ ରକ୍ତ ଡ଼ୁବୁ ଡ଼ୁବୁ ହୋଇ ଦୌଡ଼ି ବାହାରିଲେ l ଏ ଦୃଶ୍ୟ ଦେଖି ସନ୍ଦୀପ ମାଝୀ,କିଶୋର ବେକ ତୁରନ୍ତ ଦୁଇ ଚକିଆ ମୋଟର ସାଇକେଲ ରେ ଚଢ଼ାଇ ଡାକ୍ତର ଖାନା କୁ ନେବା ପାଇଁ ବାହାରିଥିବା ସମୟ ରେ ରାସ୍ତା ରେ ଶୈଳେନ୍ଦ୍ର ମାଝୀ ଙ୍କ ଜୀବନ ଚାଲିଯାଇଥିଲା l ତଲସରା ଥାନା କୁ ଅବଗତ କଲାପରେ ତଲସରା ପୋଲିସ ସହ ସାଇଣ୍ଟି ଫିକ ଟିମ୍ ଆସିବା ସହିତ ଉକ୍ତ ଜାଗାରୁ ରକ୍ତ ନମୁନା ସଂଗ୍ରହ ପରେ ଶବ ଜବତ କରି ସୁନ୍ଦରଗଡ଼ ମୁଖ୍ୟ ଡାକ୍ତର ଖାନା ଶବ ବ୍ୟବଛେଦ ପାଇଁ ପଠାଇଛି।ତଳସରା ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ସୂଚନା ମିଳିଛି ।