କିରାଣୀ ୨ ହଜାର ଟଙ୍କା ଲାଞ୍ଚ ନେଉଥିବା ବେଳେ କାବୁ କରିଛି ଅନଗୁଳ ଭିଜିଲାନ୍ସ ଟିମ୍‌

ପାଲଲହଡା , ୦୬.୦୨.୨୦୨୧(ସନ୍ଧାନ ନିଉଜ୍):- ପାଲଲହଡା ଉପ-ଜିଲ୍ଲାପାଳ ଅଫିସ୍‌ରେ ଲାଞ୍ଚ କାରବାର ଅଭିଯୋଗରେ ଜଣେ କିରାଣୀଙ୍କୁ ଗିରଫ କରିଛି ଭିଜିଲାନ୍ସ । ସାଧୁ ଚତାମ୍ବ ନାମକ ଜଣେ କିରାଣୀ ୨ ହଜାର ଟଙ୍କା ଲାଞ୍ଚ ନେଉଥିବା ବେଳେ କାବୁ କରିଛି ଅନଗୁଳ ଭିଜିଲାନ୍ସ ଟିମ୍‌ । ସୂଚନା ଅନୁସାରେ, ଉପ-ଜିଲ୍ଲାପାଳଙ୍କ କାର୍ଯ୍ୟାଳୟରେ କାର୍ଯ୍ୟରତ କିରାଣୀ ସାଧୁ ଚତାମ୍ବ, ଘାସିରାମ ବେହେରା ନାମକ ଜଣେ ବ୍ୟକ୍ତିଙ୍କ ଠାରୁ ଜମି ବିକ୍ରି ପାଇଁ ଅନୁମତି କରାଇ ଦେବାକୁ କହି ୨ ହଜାର ଟଙ୍କା ଲାଞ୍ଚ ନେଉଥିଲେ । ତେବେ ଲାଞ୍ଚ ନେଉଥିବା ବେଳେ କାବୁ କରିଥିଲା ଭିଜିଲାନ୍ସ । ସଂପୃକ୍ତ କିରାଣୀକୁ ଗିରଫ କରିବା ସହ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି ।