ହେରୋଇନ୍ ଜବତ: ପୃଥକ ପୃଥକ ଘଟଣାରେ ଜଣେ ମହିଳାଙ୍କ ସମେତ ୨ ଗିରଫ

ଭୁବନେଶ୍ୱର, ୬/୬/୧୮ (ସନ୍ଧାନ ନିୟୁଜ୍)- ଭୁବନେଶ୍ୱର  ଲକ୍ଷ୍ମୀସାଗର ନିକଟ ହଳଦୀପଡ଼ିଆ ବସ୍ତି ଅଂଚଳ ରୁ କେନ୍ଦ୍ରାଂଚଳ ଅବକାରୀ ଗୁଇନ୍ଦା ସଂସ୍ଥା ୮୨ ଗ୍ରାମର ଚୋରା ହେରୋଇନ୍ ଡ଼୍ରଗ୍ସ ଜବତ କରିଛି । ଜବତ ହେରୋଇନ୍ ଡ଼୍ରଗ୍ସ ର ମୂଲ୍ୟ ୫ ଲକ୍ଷ ଟଙ୍କା ହେବ । ଫିରୋଜା ବିବି (୪୨)ନାମକ ଜଣେ ମହିଳାଙ୍କୁ ଗିରଫ କରାଯାଇଛି । 
ସେହିପରି ଜଗତସିଂହପୁର ଜିଲା ପାରାଦୀପ ନିକଟସ୍ଥ କୁଜଙ୍ଗ ଷଣ୍ଢପୁର ରୁ ୪୦ ଗ୍ରାମର ହେରୋଇନ୍ ଡ଼୍ରଗ୍ସ ଜବତ ହୋଇଛି । ଏହାର ଆନୁମାନିକ ମୂଲ୍ୟ ଅଢ଼େଇ ଲକ୍ଷ ଟଙ୍କା ହେବ ।  ଧର୍ମେନ୍ଦ୍ର ପରିଡ଼ା ଆଲିଆସ ସିପୁ କୁ ଗିରଫ କରାଯାଇଛି ।