ଶାଗବାହାଲ ନୂତନ ପଞ୍ଚାୟତ ଗୃହ ଉଦଘାଟନ କଲେ ଓଡ଼ିଶା ବିଧାନସଭାର ଉପବାଚସ୍ପତି ଭବାନୀ ଶଙ୍କର ଭୋଇ

ସୁନ୍ଦରଗଡ ତା:୫/୧୦/୨୦୨୪( ସନ୍ଧାନ ନ୍ୟୁଜ/ ଦୁର୍ଯ୍ୟୋଧନ ଗରଡ଼ିଆ) ବାଲିଶଙ୍କରା ବ୍ଲକ ସୀମାନ୍ତ ଅଂଚଳର ପଞ୍ଚାୟତ ଶାଗବାହାଲ ଗ୍ରାମରେ ନୂତନ ପଞ୍ଚାୟତ ଗୃହ ଫିତାକାଟି ଉଦଘାଟନ କରିଛନ୍ତି ଓଡ଼ିଶା ବିଧାନସଭାର ଉପବାଚସ୍ପତି ତଥା ତଲସରା ବିଧାୟକ ଭବାନୀ ଶଙ୍କର ଭୋଇ | ପଞ୍ଚାୟତ ଗୃହ ଉଦଘାଟନ ପରେ ଶାଗବାହାଲ ଗ୍ରାମର ଖେଳ ପଡିଆରେ ସଭାରେ ଯୋଗଦେଇଥିଲେ | ଏହି ସଭାରେ ମୁଖ୍ୟ ଅତିଥି ରୂପେ ଯୋଗ ଦେଇ ଭାରତକୁ ୨୦୪୭ ସୁଦ୍ଧା ବିକଶିତ ଭାରତ କରିବାର ସଂକଳ୍ପ ବିଷୟର ଅବଗତ କରାଇ ଥିଲେ । ବିକଶିତ ଭାରତରେ ଯେପରି କୌଣସି ଜନସାଧାରଣଙ୍କ କୌଣସି ଅସୁବିଧା ନ ରହିବ ସେଥିପାଇଁ ଭାରତ ସରକାର ଓ ରାଜ୍ୟ ସରକାରଙ୍କ ଉଦ୍ୟମ ଜାରି ରହିଛି ବୋଲି ମତ ରଖିଥିଲେ | ସମ୍ମାନିତ ଅତିଥି ରୂପେ ବ୍ଲକ ଅଧ୍ୟକ୍ଷା କୁଞ୍ଜଲତା ଭିତ୍ରିଆ, ଉପାଧ୍ୟକ୍ଷ ପିତାମ୍ବର ଶେଖର ଦେଓ, ବିଡ଼ିଓ ଜ୍ୟୋତିର୍ମୟୀ ପ୍ରଧାନ, ସାଂସଦ ପ୍ରତିନିଧି ଉଚ୍ଛବ ତନ୍ତୀ , ଅମୀୟ ନାଏକ, ବନଡେଗା ସରପଞ୍ଚ ଲକ୍ଷ୍ମୀପ୍ରିୟା ଲାକଡା, ଶାଗବାହାଲ ସରପଞ୍ଚ ଦୁର୍ଗାବତୀ କୁଜୁର, ଉପେନ୍ଦ୍ର କୁଜୁର, ଦୀନବନ୍ଧୁ ସାଏ, ଜଗଦମ୍ବା ସାଏ, ବୁଧୁରାମ ଓରାମ, ପ୍ରମୁଖ ଯୋଗଦେଇଥିଲେ | ପଞ୍ଚାୟତ ଅଧିକାରୀ ଜୟରାମ ପଧାନ ସଭା CT କରିଥିଲେ।