ଯଜେ୍ଞଶ୍ୱର ଉଚ୍ଚ ପ୍ରାଥମିକ ବିଦ୍ୟାଳୟ ଓ ଶିଶୁ ବିକାଶ ମଞ୍ଚ ତରଫରୁ ଶିଶୁ ଦିବସ ପାଳିତ

ଯାଜପୁର ସଦର,୧୬ା୧୧: ଯାଜପୁର ଜିଲ୍ଲା ବରୀ ବ୍ଲକ ଅନ୍ତର୍ଗତ ବୋଦୁଅ ଯଜେ୍ଞଶ୍ୱର ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଗତକାଲି ଯଜେ୍ଞଶ୍ୱର ନୋଡାଲ ବିଦ୍ୟାଳୟ ଓ ଯାଜପୁର ଶିଶୁ ବିକଦାଶ ମଞ୍ଚର ମିଳିତ ଆନୁକୁଲ୍ୟରେ ଶିଶୁ ଦିବସ ଉତ୍ସବ ମାହ ଆଡମ୍ବରରେ ପାଳନ କରାଯାଇଚି । ଉକ୍ତ କାର୍ଯ୍ୟକ୍ରମରେ ବିଶିଷ୍ଠ ଶିକ୍ଷାବିତ ଦୁଃଶାସନ ଜେନା ପୌରହିତ କରିଥିବା ବେଳେ, ଓଡ଼ିଶା ଗଣଶିକ୍ଷା ବିଭଗ ନିର୍ଦ୍ଦେଶକ ଶରତ ଚନ୍ଦ୍ର ବିଶ୍ୱାଳ ମୁଖ୍ୟ ଅତିଥି ଜୁଣଭଦ୍ରା କଲେଜ ଅଧ୍ୟାପକ ଜ୍ଞାନ ରଂଜନ ଧଳ, ସମାଜସେବୀ ଗୋପିନାଥ ନାୟକ, ବିଶ୍ୱାନାଥ ତ୍ରିପାଠୀ, ବିଜୟ କୁମାର ଜେନା, ବସନ୍ତ କୁମାର ଜେନା, ସାହିତ୍ୟିକ ଆନନ୍ଦ ଚନ୍ଦ୍ର ଜେନା ଓ ଶିଶୁ ବିକାଶ ମଞ୍ଚର ଅଧ୍ୟାପକ ନୀଳମଣି ପ୍ରଧାନ ସମ୍ମାନିତ ଅତିଥି ଭାବେ ଯୋଗଦେଇଥିଲେ । ଯଜେ୍ଞଶ୍ୱର ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସୁମିତ୍ରା ପଣ୍ଡା, ସ୍ନିଗଦ୍ଧାରାଣୀ ଓଝା, ବୋଦୁଅ ପାଳସାହି ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ଶରତ ଚନ୍ଦ୍ର ଜେନା କାର୍ଯ୍ୟକ୍ରମକୁ ସୁଚାରୁରୂପେ ପରିଚାଳନା କରିଥିଲେ । ସାମ୍ବାଦିକ ଶୈଳଜା ନନ୍ଦନ ବାରିକ, ଶରତ ଚନ୍ଦ୍ର ତ୍ରିପାଠୀ, ରତିକାନ୍ତ ଜେନା ଯୋଗଦେଇଥିଲେ । କଳା ଶିକ୍ଷକ ମୋହନ ପରମାଣିକ ସଂଯୋଜନାରେ ବିଦ୍ୟାଳୟର ଛାତ୍ର ଛାତ୍ରୀ ମାନେ ସାଂସ୍କୃତିକ କାର୍ଯ୍ୟକ୍ରମ ଓ ବକ୍ତୃତା ଓ ସଙ୍ଗିତ ପ୍ରତିଯୋଗିତାରେ ଭାଗନେଇଥିଲେ । ସିଆରସିସି ମେହଶ୍ୱର ରାଉତ ମୁଖ୍ୟବକ୍ତା ଥିଲେ । ମୁଖ୍ୟ ଅତିଥିଙ୍କ ଦ୍ୱାରା କୃତ୍ତି ଛାତ୍ର ଛାତ୍ରୀ ମାନଙ୍କୁ ଶିଶୁବିକାଶ ମଞ୍ଚ ତରଫରୁ ପ୍ରଶଂସା ପତ୍ର ଓ ପୁରସ୍କାର ପ୍ରଦାନ କରାଯାଇଥିଲା ।