କୋରାପୁଟ, ୧୬/୬, (ସନ୍ଧାନ ନିଉଜ) କୋରାପୁଟ ଜିଲ୍ଲାର ଦଶମନ୍ତପୁର ବ୍ଲକ ଅନ୍ତର୍ଗତ ପାଇକଫୁଲବେଡା ପଂଚାୟତର ଓଡପୁର ଗ୍ରାମର ପଦ୍ମା କନ୍ଦପାଣ ଗତବର୍ଷ ତା୩୧-୦୭-୧୭ରିଖରେ ବାର୍ଦ୍ଧିକଭତା ଓ ଘର ପାଇଁ କୋରାପୁଟ ଜିଲ୍ଲାପାଳଙ୍କୁ ଗୁହାରୀ କରିଥିଲେ। ଦଶମନ୍ତପୁର ବିଡିଓ ଓ ଜିଲ୍ଲା ସମାଜିକ ସୁରକ୍ଷା ଅଧିକାରୀଙ୍କୁ ୧୫ ଦିନ ମଧ୍ୟରେ ପଦ୍ମାର ମଧୁବାବୁ ପେନସନ ଯୋଜନାରେ ଭତା କରିବା ପାଇଁ ନିର୍ଦ୍ଦେଶ ଦେଇଥିଲେ।କିନ୍ତୁ ୯ ମାସ ବିତିଗଲାଣି ପଦ୍ମା ଭତା ଓ ଘର ନ ପାଇ ନିରାଶରେ ଦିନ କାଟୁଥିବା ଜଣାପଡିଛି। ୧୦ ବର୍ଷ ତଳେ ସ୍ୱାମୀ ଧନପତି ମୃତ୍ୟୁବରଣ କରିଥିବା ବେଳେ ସେ ଏବେ ଏକ ମାଟି ଘରେ ଜିବନ ବିତାଉଛନ୍ତି। ଜିଲ୍ଲାପାଳଙ୍କ ନିର୍ଦ୍ଦେଶ ସତ୍ୱେ କାହିଁକି ପଦ୍ମା ଭତା ଓ ପକ୍କା ଘରଟିଏ ପାଇବାରୁ ବଂଚିତ ହୋଇଛନ୍ତି ତାହା ସନ୍ଦେହ ଘେରରେ ରହିଯାଇଛି। ଏ ସଂପର୍କରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଅଶୋକ କୁମାର ପାତ୍ର୍ରୁ ପଚାରିବାରେ ପଦ୍ମାଙ୍କୁ ଭତା ମିଳିଯିବା କଥା କାହିଁକି ମିଳିନାହିଁ ତାହା ସେ ତଦନ୍ତ କରିବେ ବୋଲି ପ୍ରକାଶ କରିଥିଲେ।
Report by ରଂଜନ କୁମାର ଦାସ
