ଏଲଇଡି ସ୍କ୍ରିନ ମାଧ୍ୟମରେ ଦେଖିଲେ ଦର୍ଶକ କେନ୍ଦ୍ରୀୟ ଖେଳପଡ଼ିଆରେ ହକି ବିଶ୍ଵକପ୍ ଉଦଘାଟନୀ ଉତ୍ସବ

ଯୋଡ଼ା,୧୧/୧ (ପିଏନଏସ) କଟକ ବାରବାଟୀ ଷ୍ଟାଡିୟମରେ ଆରମ୍ଭ ହୋଇଛି ପୁରୁଷ ବିଶ୍ବକପ ହକି ୨୦୨୩ର ଉଦଘାଟନୀ ଉତ୍ସବ । ଏହି ପରିପ୍ରେକ୍ଷୀରେ ଯୋଡ଼ା କେନ୍ଦ୍ରୀୟ ଖେଳ ପଡ଼ିଆରେ ସନ୍ଧ୍ୟା ୫ଟା ସମୟରେ ବଡ଼ ଏଲଇଡି ସ୍କ୍ରିନ ମାଧ୍ୟମରେ ଲାଇଭ ସୋ କରାଯାଇଥିଲା। ଯୋଡ଼ା ପୌରପାଳିକା ଅଧ୍ୟକ୍ଷ ଡାକ୍ତର ଜଗଦୀଶ ପ୍ରସାଦ ସାହୁଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଯୋଡ଼ା ପୌର ଉପାଧ୍ୟକ୍ଷା ସନ୍ଧ୍ୟାରାଣି ପାତ୍ର,ଯୋଡ଼ା ଟାଟା ଷ୍ଟିଲ ମୁଖ୍ୟ ସରୋଜ ବାନାର୍ଜୀ,ଜିଲ୍ଲା ସମ୍ପାଦକ ବାବୁଲାଲ ସାହୁ,ଯୋଡ଼ା ଟ୍ରକ ମାଲିକ ସଂଘ ସଂପାଦକ ସୁଶାନ୍ତ କୁମାର ବାରିକ, ପୂର୍ବତନ ଯୋଡ଼ା ବିଜେଡି ସଭାପତି ଜିତେନ୍ଦ୍ର ଜୟସ୍ୱାଲ,ଯୋଡ଼ା ବିକାଶ ପରିଷଦ ସଭାପତି ନିରଞ୍ଜନ ବହିଦାର,ଦୁର୍ଗା ପ୍ରସାଦ ମହାନ୍ତି, ଅମର କେଜ୍ରିୱାଲଙ୍କ ସମେତ ପ୍ରାୟ ବହୁ ସଂଖ୍ୟାରେ ଦର୍ଶକ ଉପସ୍ଥିତ ରହି ଲାଇଭ ପ୍ରୋଗ୍ରାମକୁ ମନଭରି ଉପଭୋଗ କରିଥିଲେ । ହକି ବିଶ୍ଵ କପରେ ଲାଇଭ ପ୍ରୋଗ୍ରାମରେ ଓଡ଼ିଆ ସିନେ ତାରକାଙ୍କ ସମେତ ବଲିଉଡ ସେଲିବ୍ରିଟଙ୍କ ନୃତ୍ୟ ଓ ସଙ୍ଗୀତ ଦେଖିଥିଲେ । ହକି ବିଶ୍ଵ କପ୍ ନିମନ୍ତେ ଦର୍ଶକଙ୍କ ଖେଳ ପ୍ରତି ଉତ୍କଣ୍ଠା ପରିଲକ୍ଷିତ ହୋଇଛି । ଏଥି ସହିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଭିଭାଷଣ ଶୁଣିଥିଲେ ଉପସ୍ଥିତ ଦର୍ଶକ।  ହକି ବିଶ୍ବ କପ ନେଇ ପୂର୍ବରୁ ଜିଲ୍ଲା ପ୍ରଶାସନ ତଥା ଯୋଡ଼ା ପୌରପାଳିକା ପକ୍ଷରୁ ବିଭିନ୍ନ ସ୍ଥାନରେ ବଡ଼ବଡ଼ ହୋଡିଂ ସହିତ କଲରଫୁଲ ବ୍ୟାନର ଲଗାଯାଇଥିଲା। ଯୋଡ଼ା କେନ୍ଦ୍ରୀୟ ଖେଳ ପଡିଆରେ ଅନୁଷ୍ଠିତ ଲାଇଭ ପ୍ରୋଗ୍ରାମ ଦେଖି ଯୋଡ଼ା ସହରାଞ୍ଚଳ ଦର୍ଶକ ହକି ବିଶ୍ୱକପକୁ ସ୍ୱାଗତ କରିଥିଲେ  ।