ଏଣ୍ଡଳବା ମିଶନ ଶକ୍ତି ଗୃହରେ ନିର୍ମାଣ ପରେ ଝୁଲୁଛି ତାଲା

ଜେନାପୁର/ସନ୍ଧାନ ନିୟୁଜ୍)୦୪/୦୭ ଧର୍ମଶାଳା ବ୍ଲକ ଅନ୍ତର୍ଗତ ଏଣ୍ଡଳବା ଗ୍ରାମପଞ୍ଚାୟତ ଅଧୀନସ୍ଥ ମାଳ ନଦୀବନ୍ଧ ରାସ୍ତା କଡରେ ନିର୍ମାଣ ହୋଇଥିବା ମିଶନ ଶକ୍ତି ଗୃହରେ ନିର୍ମାଣ ପରେ ବି ଝୁଲୁଛି ତାଲା। ମହିଳା ମାନଙ୍କୁ ସଶକ୍ତ ଓ ଆତ୍ମନିର୍ଭରଶିଳ କରିବା ପାଇଁ ମିଶନ ଶକ୍ତି ସରକାର ଗଠନ କରିଛନ୍ତି। ଏହି ଗୃହଟି ୭ ଲକ୍ଷ ଟଙ୍କା ବ୍ୟୟ ବରାଦ କରାଯାଇ ଏ ଗୃହ ନିର୍ମାଣ ଦୁଇ ବର୍ଷ ପୂର୍ବରୁ ସରିଛି। ଗୃହରେ ବିଦ୍ୟୁତ ସଂଯୋଗ କରାଯାଇନାହିଁ। ଗୃହକୁ କୌଣସି ସ୍ଥାୟୀ ରାସ୍ତା ନାହିଁ। ଏହା ଏକ ନିଛାଟିଆ ସ୍ଥାନ ହୋଇଥିବାରୁ ଏଠାରେ ମିଶନ ଶକ୍ତି ର ମହିଳାମାନେ ଗୃହ ଖୋଲିବାକୁ ଠିକ ମଣୁନଥିବା ଅଭିଯୋଗ କରିଛନ୍ତି। କିଛି ମାସ ହେବ ମିଶନ ଶକ୍ତି ସଦସ୍ୟ ମାନେ ଜଣେ ସଦସ୍ୟ ଙ୍କ ଘରେ ବୈଠକ ଅନ୍ୟ କାର୍ଯ୍ୟକ୍ରମ କରିଥାନ୍ତି ବୋଲି ମତ ଦେଇଛନ୍ତି। ଗୃହ ର ଚତୃପାର୍ଶ୍ୱକୁ ଅନାମନା ଗଛ ଲତା ମାଡି ଆବଦ୍ଧ କରୀରହିଛି ସତେ ଯେପରି ସ୍ଥାନ ଟି ଭୁତ କୋଠି ପାଲଟିପଡିଛି।ପଂଚାୟତ ରେ ଅନେକ ଜାଗା ରହିଥିବା ସ୍ଥଳେ କାହା ଚାପରେ କିପରି ଓ କାହିଁକି ଏଠାରେ ଗୃହ ନିର୍ମାଣ କରାଗଲା ତାହା ତଦନ୍ତ ସାପେକ୍ଷ। ଯଦି ଏହା କାର୍ଯ୍ୟକାରୀ ନହୁଏ ଏଠାରେ ଲକ୍ଷ ଲକ୍ଷ ଟଙ୍କା ପାଣିରେ ପଡିବ ବୋଲି ବୁଦ୍ଧିଜୀବୀ ମହଲରେ ଆଲୋଚନା ହେଉଛି।