ଡୁମ୍ବରବାହାଲ ସରକାରୀ ୟୁପି ବିଦ୍ୟାଳୟରେ ନୂତନ ପ୍ରଧାନଶିକ୍ଷକଙ୍କ ଯୋଗଦାନ ଶିକ୍ଷାର ବିକାଶ ଓ ଛାତ୍ରଛାତ୍ରୀଙ୍କ ଭବିଷ୍ୟତ ଗଠନକୁ ଗୁରୁତ୍ୱ

ବରଗଡ. : ୧୩ /୯/୨୬ (ସନ୍ଧାନ ନ୍ୟୁଜ)  ଜିଲ୍ଲା ସଦରଠାରୁ ପ୍ରାୟ ୧୧୦ କିଲୋମିଟର ଦୂରରେ ଥିବା ଦୁର୍ଗମ ଡୁମ୍ବରବାହାଲ ଅଞ୍ଚଳର ଡୁମ୍ବରବାହାଲ ସରକାରୀ ୟୁପି ବିଦ୍ୟାଳୟରେ ଲେଭଲ୍‌-III ପ୍ରଧାନଶିକ୍ଷକ ଭାବେ ଶ୍ରୀ ସଞ୍ଜୟ କୁମାର ମୁଣା ଶନିବାର, ୧୨ ସେପ୍ଟେମ୍ବର ୨୦୨୬ରେ ଆନୁଷ୍ଠାନିକ ଭାବେ ଯୋଗଦାନ କରିଛନ୍ତି। ଶ୍ରୀ ମୁଣା ଯୋଗଦାନ ପରେ ବିଦ୍ୟାଳୟର ଶିକ୍ଷାର ଗୁଣାତ୍ମକ ବିକାଶ, ପଛୁଆ ଓ ଦୁର୍ଗମ ଅଞ୍ଚଳର ଶିକ୍ଷା ବ୍ୟବସ୍ଥାର ଉନ୍ନତି ଏବଂ ଛାତ୍ରଛାତ୍ରୀଙ୍କ ସର୍ବାଙ୍ଗୀଣ ବିକାଶକୁ ସର୍ବାଧିକ ଗୁରୁତ୍ୱ ଦେବାକୁ ପ୍ରତିଶ୍ରୁତି ଦେଇଛନ୍ତି। ବିଦ୍ୟାଳୟ କେବଳ ପାଠପଢ଼ାର କେନ୍ଦ୍ର ନୁହେଁ, ବରଂ ଗ୍ରାମାଞ୍ଚଳର ଶିଶୁମାନଙ୍କ ସ୍ୱପ୍ନ ଓ ଭବିଷ୍ୟତ ଗଢ଼ିବାର ଏକ ପବିତ୍ର ମଞ୍ଚ ବୋଲି ସେ ମତବ୍ୟକ୍ତ କରିଛନ୍ତି। ତାଙ୍କ ଯୋଗଦାନର ପ୍ରଥମ ଦିନରେ ହିଁ ଗ୍ରାମବାସୀ, ଅଭିଭାବକ ଓ ଶିକ୍ଷାପ୍ରେମୀଙ୍କ ପକ୍ଷରୁ ତାଙ୍କୁ ଉଷ୍ମ ସ୍ୱାଗତ ଓ ଶୁଭେଚ୍ଛା ଜଣାଯାଇଥିଲା। ନୂତନ ପ୍ରଧାନଶିକ୍ଷକଙ୍କ ଆଗମନକୁ ନେଇ ଡୁମ୍ବରବାହାଲ ଗ୍ରାମରେ ଖୁସିର ଲହରୀ ଖେଳିଯାଇଥିବା ବେଳେ ଅଭିଭାବକ ଓ ଶିକ୍ଷାବିତ୍‌ମାନଙ୍କ ମନରେ ମଧ୍ୟ ନୂଆ ଆଶା ସଞ୍ଚାର ହୋଇଛି। ଦୁର୍ଗମ ଅଞ୍ଚଳରେ ଶିକ୍ଷାର ଆଲୋକକୁ ଆହୁରି ବ୍ୟାପକ କରିବା, ଛାତ୍ରଛାତ୍ରୀଙ୍କ ପ୍ରତିଭାର ବିକାଶ କରିବା ଏବଂ ବିଦ୍ୟାଳୟକୁ ଏକ ଆଦର୍ଶ ଶିକ୍ଷାନୁଷ୍ଠାନ ଭାବେ ଗଢ଼ି ତୋଳିବା ଦିଗରେ ଶ୍ରୀ ମୁଣାଙ୍କ ଉଦ୍ୟମ ଅଞ୍ଚଳ ପାଇଁ ଏକ ନୂତନ ଆଶାର ଦ୍ୱାର ଖୋଲିବ ବୋଲି ଗ୍ରାମବାସୀ ଆଶା ପ୍ରକାଶ କରିଛନ୍ତି। ତାଙ୍କ ଯୋଗଦାନ ଡୁମ୍ବରବାହାଲର ଶିକ୍ଷା କ୍ଷେତ୍ରରେ ଏକ ନୂତନ ଅଧ୍ୟାୟର ଶୁଭାରମ୍ଭ ବୋଲି ସାଧାରଣରେ ମତ ପ୍ରକାଶ ପାଇଛି।