ଜଳିଗଲା ୧୦ ବଖରା, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ।

ତିହିଡି, ୨୦/୦୪/୨୧ (ସନ୍ଧାନ ନିଉଜ) : ତିହିଡି ବ୍ଲକ ଅନ୍ତର୍ଗତ କାପଡା ପଞ୍ଚାୟତ ରେ ସୋମବାର ବିଳମ୍ବିତ ରାତ୍ରିରେ ଭୟାବହ ଅଗ୍ନିକାଣ୍ଡ ଘଟି ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ଜଣାପଡିଛି। ସୁଚନା ଅନୁସାରେେ ସୋମବାର ବିଳମ୍ବିତ ରାତ୍ରିରେ  କାପଡା ପଞ୍ଚାୟତ ଉତ୍ତରପାରି ଗ୍ରାମ ର ବିଦ୍ୟୁତ ସର୍ଟସାର୍କିଟ ଯୋଗୁଁ ନିଆଁ ଲାଗି ସନ୍ଦିପ ଦାସଙ୍କ ୨ ବଖରା ଚାଳଘର ସମ୍ପୁର୍ଣ୍ଣ ଭାବେ ପୋଡ଼ି ଯାଇଥିବା ସହ ୨ଟି ଗୋରୁ ଓ ୭ ଟି ଛେଳି ଜିବନ୍ତଦଗ୍ଧ ହୋଇଥିଲା ବେଳେ ଯୋଗେନ୍ଦ୍ର ମଲ୍ଲିକ ଙ୍କ ୩ ବଖରା ଚାଳଘର, କମଳାକାନ୍ତ ଦାସଙ୍କ ୧ ବଖରା ଚାଳଘର ସମ୍ପୁର୍ଣ୍ଣ ଭାବେ ପୋଡ଼ି ଯାଇଥିବା ସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ସହ କୈଳାସ ମଲ୍ଲିକ ଓ ବାଇଧର ମହାଳିକ ଙ୍କ ୨ ଟି କରି ଚାଳଘର ଆଂଶିକ ଭାବେ ପୋଡ଼ି ଯାଇଥିବା ବେଳେ ଗ୍ରାମବାସୀ ଙ୍କ ଅକ୍ଳାନ୍ତ ପରିଶ୍ରମ ଓ ପରବର୍ତ୍ତୀ ସମୟରେ ଅଗ୍ନିଶମ କର୍ମଚାରୀ ମାନଙ୍କ ସହଯୋଗ ରେ ଏକ ଭୟାବହ ଅଗ୍ନିକାଣ୍ଡ କୁ ଆୟତ କରାଯାଇଥିବା ଜଣାଥିବା ସହ ତୁରନ୍ତ ସରକାରୀ ସହାୟତା ଯୋଗାଇ ଦେବାକୁ ବୁଦ୍ଧିଜୀବୀ ମହଲରେ ଦାବି ହେଉଛି।