ସୁବର୍ଣ୍ଣରେଖା କେନାଲ ଆଡିବନ୍ଧ ଭାଙ୍ଗିବା ଘଟଣା

ବାରିପଦା ୨୦/୮/୨୦(ଲିଙ୍ଗରାଜ ପଣ୍ଡା):- ସ୍ଥାନୀୟ  ଲକ୍ଷ୍ମୀପୋଷିସ୍ଥିତ ସୁବର୍ଣ୍ଣରେଖା କେନାଲ ଡିଭିଜନ କାର୍ଯ୍ୟାଳୟ ସମ୍ମୁଖରେ ମାସା ଆର୍ମୀ ପକ୍ଷରୁ ୪ ଦଫା ସମ୍ବଳିତ ଦାବି ନେଇ ଆଜି ମଙ୍ଗଳବାର ଧାରଣା । ଦିଆଯିବା ସହିତ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଦାବିଗୁଡିକ ମଧ୍ୟରେ ସୁବର୍ଣ୍ଣରେଖା କେନାଲ ଆଡିବନ୍ଧ ଭାଙ୍ଗି କ୍ଷତିଗ୍ରସ୍ତ ହୋଇଥିବା ଗାଡୁଭଙ୍ଗା ସମେତ ଆଖପାଖ ଗ୍ରାମର ଚାଷୀଙ୍କୁ ତୁରନ୍ତ କ୍ଷତିପୂରଣ ପ୍ରଦାନ କରାଯିବା, ନିମ୍ନମାନର କାମ ପାଇଁ ବିଭାଗୀୟ ଯନ୍ତ୍ରୀଙ୍କୁ ନିଲମ୍ବନ ‘ସହ ଠିକାଦାରଙ୍କର ଲାଇସେନ୍ସ ରଦ୍ଦ କରାଯିବା, ଉକ୍ତ କେନାଲର ନିର୍ମାଣ କାମରେ ଦୁର୍ନୀତି ହେଉଥିବା ଅଭିଯୋଗ ପାଇଁ ସଂପୃକ୍ତ ଥିବା ସମସ୍ତ ସୁବର୍ଣ୍ଣରେଖା କର୍ମଚାରୀଙ୍କୁ ଭିଜିଲାନ୍ସ ତଦନ୍ତ ପରିସରଭୁକ୍ତ କରାଯିବା ଆଦି ଦାବିମାନ । ଅନ୍ତର୍ଭୁକ୍ତ ଆନ୍ଦୋଳନକାରୀଙ୍କ ପକ୍ଷରୁ  ଦର୍ଶାଯାଇଛି ଯେ ଗତ ୩୦ ତାରିଖରେ ଗାଡ଼ଭଙ୍ଗା ଗ୍ରାମରେ ସୁବର୍ଣ୍ଣରେଖା କେନାଲ ଆଡିବନ୍ଧ ଭାଙ୍ଗି ଯାଇ ଚାଷୀଙ୍କ ଫସଲ ଉପରେ ପାଣି ମାଡିଯାଇ ଫସଲ ସଂପୂର୍ଣ୍ଣ ନଷ୍ଟ ହୋଇଥିଲେ ମଧ୍ୟ କ୍ଷତିଗ୍ରସ୍ତ ଚାଷୀଙ୍କୁ ଏପର୍ଯ୍ୟନ୍ତ କ୍ଷତିପୂରଣ ଦିଆଯାଇ ନାହିଁ । ମାସା ଆର୍ମୀର ରାଜ୍ୟ ସଭାପତି ସୁକୁଲାଲ ମାଣ୍ଡିଙ୍କ ନେତୃତ୍ବରେ  ଓଡ଼ିଶା ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଆଜି ପୁଣି ଭିଜିଲାନ୍ସ ତଦନ୍ତ ଦାବି ସମେତ ୪ ଦଫା ନେଇ ସୁବର୍ଣ୍ଣରେଖା କେନାଲ ତଥା ବେତନଟୀ କେନାଲ ଡିଭିଜନର କାର୍ଯ୍ୟନିର୍ବାହୀ ଅଧିକାରୀଙ୍କୁ ଓ ପ୍ରଦାନ କରାଯାଇଛି । ଉକ୍ତ ଦାବିକୁ ସରକାର ଦୃଷ୍ଟି ନ ଦେଲେ ଆଗାମୀ ୭ ଦିନ ପରେ ଜିଲାପାଳଙ୍କ ଅଫିସ ସମ୍ମୁଖରେ ଧାରଣା ଦିଆଯିବ ବୋଲି ଚେତାବନୀ ଦିଆଯାଇଛି । ଏହି ବିକ୍ଷୋଭ କାର୍ଯ୍ୟକ୍ରମରେ ମାସା ଆର୍ମୀର ରାଜ୍ୟ ସଭାପତି ଶ୍ରୀମାଣ୍ଡିଙ୍କ ନେତୃତ୍ବରେ ଜିଲା ସଭାପତି ମୁକେଶ ମାଣ୍ଡି, ବାରିପଦା ଟାଉନ ସଭାପତି ଇଂ ଦିଲ୍ଲୀପ ମାଝୀ, ଜିଲା ଉପସଭାପତି ଲକ୍ଷ୍ମୀକାନ୍ତ  ବାସ୍କେ, ଫାଣ୍ଡ ମୁର୍ମୁ, ସରୋଜ ନାଏକ, ମୁକେଶ କିସ୍କୁ ଦୁର୍ଗା ମୁର୍ମ, ନାରାୟଣ ସୋରେନ, ଲଛମନ ମାଣ୍ଡି, ବ୍ରଜେଶ ମୁର୍ମ, ବାପି ହାଁସଦା, ଟିଙ୍କୁ ସୋରେନ, ଭାଗବତ ମୁର୍ମ, ତାରାସ ମୁର୍ମ, ଯିଶୁ ଟୁଡୁ, ଅଭିଜିତ ସୋରେନ, ପିଥ ମାଣ୍ଡି, ସୁକୁରା ସିଂ, ସୁବାସ ସିଂ ପ୍ରମୁଖ ସାମିଲ ଥିଲେ ।