ବିକଶିତ ଗାଁ ସହିତ ବିକଶିତ ଓଡ଼ିଶା କାର୍ଯ୍ୟକ୍ରମ ଆଜି ମଧ୍ୟ ଏକ ଯୁମଲା, ଗାଁ ରେ ବିକାଶ ଆଜି ମଧ୍ୟ ଅପହଞ୍ଚ

ସୁନ୍ଦରଗଡ ତା:୬/୭/୨୦୨୬ (ସନ୍ଧାନ ନ୍ୟୁଜ) ସୁନ୍ଦରଗଡ଼ ଜିଲ୍ଲା, ବାଲିଶଙ୍କରା ବ୍ଲକ, ବେହେରାଡିହି ଗ୍ରାମପଞ୍ଚାୟତର ଜଡ଼ାକୁଦର ଗ୍ରାମର ଜନସାଧାରଣଙ୍କ ଦୀର୍ଘଦିନର ଦାବି ! ପତକିଜୋର ପି.ଡବ୍ଲୁ.ଡି ରୋଡ୍ ଠାରୁ ଠେଲକୋବୁଡ଼ ପର୍ଯ୍ୟନ୍ତ ପ୍ରାୟ ୩ କିଲୋମିଟର ରାସ୍ତା ଆଜି ବି ଅବହେଳିତ ! ବର୍ଷାଦିନରେ ଏହି ରାସ୍ତାରେ ଯାତାୟାତ କରିବା ଅତ୍ୟନ୍ତ କଷ୍ଟକର ହୋଇପଡ଼େ! ଛାତ୍ରଛାତ୍ରୀ, ଚାଷୀ, ରୋଗୀ ଏବଂ ସାଧାରଣ ଲୋକ ପ୍ରତିଦିନ ନାନା ସମସ୍ୟାର ସମ୍ମୁଖୀନ ହେଉଛନ୍ତି ! ଜନସ୍ୱାର୍ଥକୁ ଦୃଷ୍ଟିରେ ରଖି ସମ୍ପୃକ୍ତ ବିଭାଗ ଓ ଜିଲ୍ଲା ପ୍ରଶାସନଙ୍କୁ ଅନେକ ଥର ଅନୁରୋଧ କରାଯାଇଥିଲେ ମଧ୍ୟ ପ୍ରଶାସନ ନିରବ ଦ୍ରଷ୍ଟା ସାଜିଛି । ବାଲିସଙ୍କରା ବ୍ଲକ ରେ ଅନେକ ଉନ୍ନତି ମୂଳକ କାର୍ଯ୍ୟରେ ଲକ୍ଷ୍ ଲକ୍ଷ୍ ଟଙ୍କା ଖର୍ଚ୍ଚ ହେଉଛି ହେଲେ ଏହି ରାସ୍ତା ଆଜି ମଧ୍ୟ ପଡ଼ି ରହିଛି । ଅଞ୍ଚଳ ଲୋକେ ଏହି ରାସ୍ତାର ତୁରନ୍ତ ସର୍ଭେ କରି ନିର୍ମାଣ କାର୍ଯ୍ୟ ଆରମ୍ଭ କରିବା ପାଇଁ ଦାବି ଜଣାଇଥିବା ସୂଚନା ମିଳିଛି । ଏକ ଭଲ ରାସ୍ତା କେବଳ ଯାତାୟାତର ସୁବିଧା ନୁହେଁ, ବରଂ ଗ୍ରାମର ବିକାଶର ମୂଳଦୁଆର ! ଦେଖିବାକୁ ବାକି ରହିଲା ବିକଶିତ ଗାଁ ସହିତ ବିକଶିତ ଓଡ଼ିଶା କାର୍ଯ୍ୟକ୍ରମ ଚାଲିଥିବା ବେଳେ ବେହେରାଡିହି ଗ୍ରାମପଞ୍ଚାୟତର ଜଡ଼ାକୁଦର ଗ୍ରାମର ଜନସାଧାରଣଙ୍କ ବିକାଶ କେବେ ହେବ?