କ୍ୱାଲାଲାମ୍ପୁର, ୨୭/୬ (ସନ୍ଧାନ ନିୟୁଜ): ମାଲେସିଆର ପୂର୍ବତନ ପ୍ରଧାନମନ୍ତ୍ରୀ ନଜୀବ ରଜାକଙ୍କ ୬ଟି ବାସଭବନ ଉପରେ ମାଲେସିଆ ଦୁର୍ନୀତି ନିବାରଣ ବିଭାଗ ଓ ପୁଲିସ୍ ମିଳିତ ଚଢଉ କରି ୨୭ କୋଟି ୩୦ ଲକ୍ଷ ଡଲାର (ପ୍ରାୟ ୧୮୭୨ କୋଟି ଟଙ୍କା) ସମ୍ପତ୍ତି ଜବତ କରିଛନ୍ତି। ଏହା ମଧ୍ୟରେ ନଗଦ ଅର୍ଥ, ଅଳଙ୍କାର, ବିଳାସପୂର୍ଣ୍ଣ ହ୍ୟାଣ୍ଡବ୍ୟାଗ ଆଦି ରହିଥିବାବେଳେ ଗତ ମାସରେ ଏହି ଚଢଉ କରାଯାଇଥିଲା। ହେଲେ ସମସ୍ତ ସାମଗ୍ରୀ ଗଣି ସମ୍ପତ୍ତିର ମୂଲ୍ୟ ଆକଳନ କରିବା ଓ କାଗଜପତ୍ର କାର୍ଯ୍ୟ ସାରିବାକୁ ୪୧ ଦିନ ସମୟ ଲାଗିଲା। ପୁଲିସ୍ ଏବେ ସମ୍ପତ୍ତି ମୂଲ୍ୟ ଘୋଷଣା କରିଛି। ଜବତ ସାମଗ୍ରୀ ମଧ୍ୟରେ ୧୨୦୦୦ ଗହଣା (୧୪୦୦ ହାର, ୨୨୦୦ ମୁଦି), ନଗଦ ୩ କୋଟି ଡଲାର (୨୦୦ କୋଟି ଟଙ୍କା), ୫୬୭ ହ୍ୟାଣ୍ଡବ୍ୟାଗ (୨୭୨ଟି ପାରିସ୍ର ପ୍ରସିଦ୍ଧ ହରମେସ୍ ବ୍ରାଣ୍ଡ ବ୍ୟାଗ), ୪୨୩ ଟି ହାତଘଡ଼ି (ପ୍ରାୟ ୧୩୨ କୋଟି ଟଙ୍କା), ୨୩୪ଟି ସନଗ୍ଲାସ ରହିଛି। ମାଲେସିଆ ପୁଲିସ୍ ବାଣିଜ୍ୟ ଅପରାଧ ଶାଖା ପ୍ରମୁଖ ଅମର ସିଂହଙ୍କ କହିବା ଅନୁସାରେ ମାଲେସିଆ ଇତିହାସରେ ଏହା ସବୁଠୁ ବଡ଼ କାର୍ଯ୍ୟାନୁଷ୍ଠାନ। ପୂର୍ବରୁ କେବେ ଏତେ ପରିମାଣର ସମ୍ପତ୍ତି ଜବତ ହୋଇନଥିଲା। ଗତ ମାସରେ ନଜୀବଙ୍କ ୬ଟି ଘର ଉପରେ ଚଢଉ କରାଯାଇ ୫ଟି ଟ୍ରକ୍ରେ ବିଭିନ୍ନ ଜବତ ସାମଗ୍ରୀ ବୋଝେଇ କରି ଅଣାଯାଇଥିଲା। ପ୍ରଧାନମନ୍ତ୍ରୀ ପଦରେ ଥିଲା ବେଳେ ନଜୀବଙ୍କୁ ମାସକୁ ପ୨୨ ହଜାର ୮୨୭ ରିଗେଟ୍ (ପ୍ରାୟ ୪ ଲକ୍ଷ ଟଙ୍କା) ବେତନ ମିଳୁଥିଲା। ନଜୀବଙ୍କ ନାମରେ ସରକାରୀ କମ୍ପାନୀ ଏମ୍ଡିବିରୁ ୭୦ କୋଟି ଡଲାର (ପ୍ରାୟ ୪୭୬୦ କୋଟି ଟଙ୍କା) ନିଜ ବ୍ୟାଙ୍କ ଆକାଉଣ୍ଟକୁ ସ୍ଥାନାନ୍ତର କରିଥିବାର ଅଭିଯୋଗ ରହିଛି। ପ୍ରକାଶ ଯେ ଚଳିତ ବର୍ଷ ମଇ ମାସରେ ହୋଇଥିବା ନିର୍ବାଚନରେ ନଜୀବଙ୍କ ମେଣ୍ଟ ଦଳ ପରାଜୟ ବରଣ କରିବା ପରେ ସେ ଗାଦିଚ୍ୟୁତ୍ ହୋଇଥିଲେ। ବହୁମତ ହାସଲ କରିଥିବା ମହାତିର ମୋହମ୍ମଦଙ୍କ ମେଣ୍ଟ ଦଳ ସରକାର ଗଢିବା ସହ ସେ ପ୍ରଧାନମନ୍ତ୍ରୀ ହୋଇଥିଲେ। ମହାତିର ପ୍ରଧାନମନ୍ତ୍ରୀ ହେବା ପରେ ନଜୀବଙ୍କ ବିରୋଧରେ ଆସିଥିବା ଦୁର୍ନୀତି ଅଭିଯୋଗର ତଦନ୍ତ
ତାଜା ଖବର
- ୧୮ ରୁ ଆରମ୍ଭ ହେବ ବେଲଘର ଡିମ୍ବୁଲି ମହୋତ୍ସବ
- ବାରକୋଶ ମହୋତ୍ସବର ଦ୍ୱିତୀୟ ସନ୍ଧ୍ୟା : ଆଦିବାସୀ ନୃତ୍ୟ ସଂଗୀତ ରେ ମଞ୍ଚ ଦୁଲୁକିଲା
- ଫୋନ ପେ’ ଅପଡେଟ ନାଁରେ ବ୍ୟବସାୟୀଙ୍କ ଆକାଉଣ୍ଟରୁ ୪ ଲକ୍ଷ ଟଙ୍କା ଲୁଟି ନେଲା ସାଇବର ଠକ
- ଆଦିବାସୀ ନାବାଳିକାଙ୍କୁ ପାହାଡ଼ ଉପରକୁ ଟେକି ନେଇ ଗଣ ଦୁଷ୍କର୍ମ ଅଭିଯୋଗ, ୪ ଅଟକ
- ସର୍ବକାଳୀନ ରେକର୍ଡ ଭାଙ୍ଗି ୮୦ ହଜାର ପାର କଲା ସୁନା ଦର
- ଭୀମମଣ୍ଡଳୀ ଓ ଦେବଝରଣକୁ ପର୍ଯ୍ୟଟନ ସ୍ଥଳ ମାନ୍ୟତା, ପର୍ଯ୍ୟଟନ ମାନ୍ୟତା ହରାଇଲା ଉଷାକୋଠି !
- ମାଓବାଦୀ ଉପସ୍ଥିତି ଜାହିର କରୁଛି ସମ୍ବଲପୁର ଜିଲ୍ଲାରେ !
- ଅଟଳ ଗାଁ ହେବ କବରାପାଲି
- ପାହାଡ଼ ଉପରୁ ଦହିବରା ବିକାଳୀଙ୍କ ଶବ ଉଦ୍ଧାର: ପରିବାର ଲୋକେ ଆଣିଲେ ହତ୍ୟା ଅଭିଯୋଗ
- ଅଘରିଆ ସମାଜର ବାର୍ଷିକ ଉତ୍ସବ ପ୍ରସ୍ତୁତି ବୈଠକ