ପ୍ରତ୍ୟକ୍ଷ ଜନ ଶୁଣାଣି ୧୮ ରୁ ପୁନଃ ଆରମ୍ଭ

Spread the love

ଯାଜପୁର, ୧୭/୦୪/୨୨ (ସନ୍ଧାନ ନିଉଜ). ରାଜ୍ୟ ସରକାରଙ୍କ ସାଧାରଣ ପ୍ରଶାସନ ଓ ଅଭିଯୋଗ ବିଭାଗ ନିର୍ଦ୍ଦେଶ ଅନୁ୍‌ଯାୟୀ ଆସନ୍ତା ୧୮ ତାରିଖ, ସୋମବାର ସକାଳ ୭ ଘଟିକା ସମୟରେ ଜିଲ୍ଲାପାଳଙ୍କ ସମ୍ମିଳନୀ ଗୃହରେ ଦୀର୍ଘ ଦିନ ଧରି ବନ୍ଦ ରହିଥିବା ଯୁଗ୍ମ ଜନ ଶୁଣାଣି ଶିବିର ପୁନଃ ଆରମ୍ଭ କରାଯିବ ବୋଲି ଅତିରିକ୍ତ ଜିଲ୍ଲାପାଳ (ପ୍ରଶାସନ) ମିହିର ପ୍ରସାଦ ମହାନ୍ତି ବିଭାଗୀୟ ପତ୍ର ମାଧ୍ୟମରେ ଅବଗତ କରାଇଛନ୍ତି । କୋଭିଡ୍ ମହାମାରୀ ଯୋଗୁ ୨୦୨୦ ମାର୍ଚ୍ଚ ପର ଠାରୁ ଏହି ଜନ ଶୁଣାଣି ବନ୍ଦ ରହିଥିଲା । ଏହି ସମୟରେ ଆଭାସି ଜନ ଶୁଣାଣି ଚାଲୁ ରହିଥିଲେ ମଧ୍ୟ ସମସ୍ତ ଅଭିଯୋଗକାରୀ ଅନ୍ ଲାଇନ୍ ପଞ୍ଜିକରଣରେ ଅଭ୍ୟସ୍ତ ନ ଥିବାରୁ ଏହାର ସୁଯୋଗ ନେଇ ପାରୁ ନ ଥିଲେ । ସାଧାରଣ ଜନତାଙ୍କ ହିତ ଦୃଷ୍ଟିରୁ ଏଣିକି ପ୍ରତି ସୋମବାର ଜିଲ୍ଲାପାଳ ଓ ଜିଲ୍ଲା ଆରକ୍ଷୀ ଅଧିକ୍ଷକଙ୍କ ମିଳିତ ତତ୍ତାବଧାନରେ ପ୍ରତ୍ୟକ୍ଷ ଜନ ଶୁଣାଣି ଅନୁଷ୍ଠିତ ହେବ । ଏହା ଦ୍ୱାରା ପ୍ରତ୍ୟେକ ସାଧାରଣ ଜନତା ଏହାର ସୁଫଳ ପାଇ ପାରିବେ ବୋଲି ଅତିରକ୍ତ ଜିଲ୍ଲାପାଳ ଶ୍ରୀ ମହାନ୍ତି ପ୍ରକାଶ କରିଛନ୍ତି ।

Related Posts

About The Author

Add Comment