ଓ. ଏସ ପାଇଥିବା ନୁରି ପରବିନଙ୍କୁ ନିଜ ଗାଁ ମାଟିକୁ ଫେରିଲେ

ସୁନ୍ଦରଗଡ ତା:୧/୧୧/୨୪(ସନ୍ଧାନ ନ୍ୟୁଜ/ରାଜୁ ପଟେଲ) ଓଡ଼ିଶା ପ୍ରସାଶନିକ ଓ.ଏସ ପରୀକ୍ଷାରେ ୧୩ ନମ୍ବର ରେଙ୍କ ରେ ନୁରୀ ପରବିନ ଉତ୍ତୀର୍ଣ୍ଣ ହେବାରୁ ତାଙ୍କୁ ବାଲିଶଙ୍କରା ବ୍ଲକ ଅନ୍ତର୍ଗତ ନିଜ ଗ୍ରାମ ବନଡେଗା ରେ ସମ୍ମାନିତ କରାଯାଇଛି । ଏହି ପରିପେଖିରେ ଗ୍ରାମର ସମସ୍ତ ଗ୍ରାମବାସୀ ସହିତ ଅଞ୍ଚଳ ର ବିଶିଷ୍ଟ ସମାଜସେବୀ ହାରୁନ ରସିଦ ସହିତ ଗ୍ରାମର ପୂର୍ବତନ ଶିକ୍ଷକ ୱାଜିଦ୍ ହୁସେନ ଫୁଲତୋଡ଼ା ସହ ସ୍ୱାଗତ ଜଣାଇଥିଲେ । ଏହି ସଙ୍ଘର୍ଷ ଜୀବନର ସଫଲତା କୁ ତାଙ୍କ ପିତାମାତା ଓ ଅଞ୍ଚଳବାସୀଙ୍କ ପାଇଁ ଉତ୍ସର୍ଗ କରିବେ ବୋଲି ସେ ନିଜ ମତ ରଖିଥିଲେ । ବନଡେଗା ଆଦିବାସୀ ଅଞ୍ଚଳ ହେବା କାରଣରୁ ପାଠପଢ଼ା ପାଇଁ ନୁରି ପରବିନ ଅନେକ ସମୟଧରି ବାହାରେ ଥିବା କାରଣରୁ ନିଜକୁ ଦୁଃଖିତ ମନେ କରୁଥିବା କହିଥିଲେ । ଅନେକ ସମୟ ଧରି ରାଜ୍ୟ ବାହାରେ ରହି ମଧ୍ୟ ନିଜ ଅଞ୍ଚଳ ପାଇଁ ଗୌରବ ଆଣିବା ସହିତ ଆଗାମୀ ଦିନରେ ନିଜ ଅଞ୍ଚଳ ପାଇଁ ବିକାଶ ଦିଗରେ କାର୍ଯ୍ୟ କରିବେ ବୋଲି ମତ ରଖିଥିଲେ ।