ମିଠାପାଲିରେ ୨୪ ପହରୀ ଅଖଣ୍ଡ ବିଶ୍ୱଶାନ୍ତି ନାମଯଜ୍ଞ ଉଦଯାପିତ

ପଦ୍ମପୁର,  ୧୮/୪/୨୬ (ସନ୍ଧାନ ନ୍ୟୁଜ ) ପଦ୍ମପୁର ଉପବିଭାଗ ଅନ୍ତର୍ଗତ ମିଠାପାଲି ଗ୍ରାମରେ ଗତ ୧୪/୪ ତାରିଖରୁ ଆରମ୍ଭ ହୋଇଥିବା ୨୪ ପହରୀ ଅଖଣ୍ଡ ବିଶ୍ୱଶାନ୍ତି ନାମଯଜ୍ଞ ଆଜି ଭକ୍ତିମୟ ପରିବେଶ ମଧ୍ୟରେ ଉଦଯାପିତ ହୋଇଯାଇଛି। ଏହି ଧାର୍ମିକ ଅନୁଷ୍ଠାନରେ ଅଞ୍ଚଳର ଅନେକ ଭକ୍ତ ଓ ଶ୍ରଦ୍ଧାଳୁମାନେ ଯୋଗଦେଇ ନାମସଂକୀର୍ତନ ଓ ପୂଜାର୍ଚ୍ଚନାରେ ଭାଗ ନେଇଥିଲେ। ଗ୍ରାମଟିରେ ଚାରିଦିନ ଧରି ଭକ୍ତିମୟ ପରିବେଶ ରହିଥିବା ବେଳେ ସମସ୍ତଙ୍କ ମନରେ ଆନନ୍ଦ ଓ ଆଧ୍ୟାତ୍ମିକ ଉତ୍ସାହ ଦେଖିବାକୁ ମିଳିଥିଲା। ଅନୁଷ୍ଠାନର ଶେଷ ଦିନରେ ପୂର୍ଣ୍ଣାହୁତି ସହ ଏହାର ସମାପନ କରାଯାଇଥିଲା ଏବଂ ଶାନ୍ତି ଓ ସମୃଦ୍ଧି ପାଇଁ ସମୁହ ପ୍ରାର୍ଥନା କରାଯାଇଥିଲା।