ବରଗଡ଼ରେ ଜିଲ୍ଲାସ୍ତରୀୟ ହ୍ୟାକାଥନ୍ ପ୍ରତିଯୋଗିତା ଅନୁଷ୍ଠିତ

ବରଗଡ଼ , : ୨୧/୭/୨୬ (ସନ୍ଧାନ ନ୍ୟୁଜ)  ବରଗଡ଼ ଜିଲ୍ଲାର ଉଚ୍ଚ ମାଧ୍ୟମିକ ବିଦ୍ୟାଳୟଗୁଡ଼ିକୁ ନେଇ ଜିଲ୍ଲାସ୍ତରୀୟ ହ୍ୟାକାଥନ୍ ପ୍ରତିଯୋଗିତା ସଫଳତାର ସହ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମକୁ ଏଡିଇଓ ଅମୃତା ସାହୁ ପରିଚାଳନା କରିଥିଲେ। ମୁଖ୍ୟ ଅତିଥି ଭାବେ ଭିଏସଏସ୍‌ୟୁଟିର ବିଭାଗୀୟ ମୁଖ୍ୟ ଡ. ସୁଶାନ୍ତ କୁମାର ବଡ଼ଜେନା ଯୋଗଦେଇ ବିଜ୍ଞାନ, ନବସୃଜନ ଏବଂ ପ୍ରଯୁକ୍ତିର ବିକାଶରେ ଛାତ୍ରଛାତ୍ରୀଙ୍କ ଭୂମିକା ଉପରେ ଆଲୋକପାତ କରିଥିଲେ। ବରଗଡ଼ ବିଇଓ ଜିତେନ୍ଦ୍ର ସେଠ ମଧ୍ୟ କାର୍ଯ୍ୟକ୍ରମରେ ଉପସ୍ଥିତ ଥିଲେ। ପ୍ରତିଯୋଗିତାରେ ବିଭିନ୍ନ ବିଭାଗର ମୋଟ ୧୮ଟି ପ୍ରକଳ୍ପ ଛାତ୍ରଛାତ୍ରୀମାନଙ୍କ ଦ୍ୱାରା ପ୍ରଦର୍ଶିତ ହୋଇଥିଲା। ବିଜ୍ଞାନ ଓ ଏହାର ବ୍ୟବହାରିକ ବିକାଶକୁ ନେଇ ମଧ୍ୟ ବିସ୍ତୃତ ଆଲୋଚନା କରାଯାଇଥିଲା। ପ୍ରତିଯୋଗିତାରେ ଓଏଭି ଫ୍ରେଜରପୁର ପ୍ରଥମ ସ୍ଥାନ, ମାଣ୍ଡୋଲି ଉଚ୍ଚ ମାଧ୍ୟମିକ ବିଦ୍ୟାଳୟ (ମାଣ୍ଡୋସିଲ) ଦ୍ୱିତୀୟ ସ୍ଥାନ ଏବଂ ଓଏଭି କେସାଇପାଲି ତୃତୀୟ ସ୍ଥାନ ଅଧିକାର କରିଥିଲେ। ଜୁରି ସଦସ୍ୟମାନେ ଏହି ତିନୋଟି ଦଳକୁ ରାଜ୍ୟସ୍ତରୀୟ ହ୍ୟାକାଥନ୍ ପ୍ରତିଯୋଗିତା ପାଇଁ ମନୋନୀତ କରିଛନ୍ତି।