ଜିଲ୍ଲା କାରାଗାରରେ ବିଶ୍ବ ମାନସିକ ସ୍ବାସ୍ଥ୍ଯ ଦିବସ ପାଳନ।

ଯାଜପୁର : ୧୧/୧୦/୨୬ (ସନ୍ଧାନ ନ୍ୟୁଜ)  ଯାଜପୁର ଜିଲ୍ଲା ଦୌରାଜଜ୍ ତଥା ଆଇନ୍ ସେବା ପ୍ରାଧିକରଣ ଅଧ୍ଯକ୍ଷ ଅମୃତ ରଞ୍ଜନ ନନ୍ଦଙ୍କ ନିର୍ଦ୍ଦେଶ କ୍ରମେ ଯାଜପୁର ଟାଉନ ସ୍ଥିତ ଜିଲ୍ଲା କରାଗାର ଠାରେ ପ୍ରାଧିକରଣ ସଚିବ ଲିପା ମହାନ୍ତି ଙ୍କ ଅଧ୍ଯକ୍ଷତାରେ ବିଶ୍ବ ମାନସିକ ସ୍ବାସ୍ଥ୍ଯ ଦିବସ ପାଳନ ସହିତ ଆଇନ୍ ସଚେତନତା ସଭା ଅନୁଷ୍ଠିତ ହୋଇ ଯାଇଛି। ଏଥିରେ ଅଂଶୁମାନ ରଥ ଏଲ୍ ଆର୍ ଏଲ୍ ଟି ଭି, ବିଣାପାଣୀ ତାଣ୍ଡି ଜେ ଏମ୍ ଏଫ୍ ସି, ଡା. ମନୋଜ କୁମାର ସେନାପତି ଅତିରିକ୍ତ ସ୍ବାସ୍ଥ୍ଯ ଓ ଜନସ୍ବାସ୍ଥ୍ୟ ଅଧିକାରୀ, ଡ.  ରୁଦ୍ରନାରାୟଣ ପୃଷ୍ଟି ପ୍ରାକ୍ତନ ପ୍ରାଧିକରଣ ସଦସ୍ଯ ତଥା ସାମାଜିକ କାର୍ଯ୍ୟକର୍ତ୍ତା, ସନ୍ତୋଷ କୁମାର ପାଠକ ମନୋବିଜ୍ଞାନୀ ପ୍ରମୁଖ ଅତିଥି ଆଲୋଚକ ଭାବେ ଯୋଗଦେଇ ୧୯୯୨ ମସିହାରୁ ପାଳିତ ହେଉଥିବା ବିଶ୍ବ ମାନସିକ ସ୍ବାସ୍ଥ୍ଯ ଦିବସର ମହତ୍ତ୍ବ ତହିଁରେ ସରକାର ଓ ସାଧାରଣ ନାଗରିକଙ୍କ ଦାୟିତ୍ୱ ଓ ଚଳିତ ବର୍ଷ ର କଥାବସ୍ତୁ ପ୍ରତ୍ୟେକ ମନର କଥା ଶୁଣାଯିବ। କେବଳ ସାନ୍ତ୍ବନା ନୁହେଁ ଯଥୋଚିତ ନ୍ୟାୟ କିପରି ମିଳିବ ସେ ବିଷୟ ରେ ଆଲୋଚନା କରାଯିବା ସହିତ ସୁବାସ ଚକମା ବନାମ ଭାରତ ସରକାର ଏବଂ ଅନ୍ୟମାନେ ପରମାଦେଶ ଯାଚିକା ସଂଖ୍ଯା ୧୦୮୨ମସିହା ୨୦୨୦ ର  ସୂଚନା ଦିଆଯଇଥିଲା।  ବିଶେଷ ଭାବେ ଜାତୀୟ ଆଇନ୍ ସେବା ପ୍ରାଧିକରଣଙ୍କ ୨୦୨୪ ମସିହା ମନୋନ୍ୟାୟ ଯୋଜନା ସମ୍ବନ୍ଧରେ ଆଲୋକପାତ କରିଥିଲେ କାରାଗାର ଅନ୍ତେବାସୀ ମାନେ ଯାହାକିଛି ଜାଣିବାକୁ ଚାହିଁଥିଲେ ପ୍ରାଧିକରଣ ସଚିବ ସେସବୁ ସନ୍ତୋଷଜନକ ଭାବେ ଜଣାଇ ଥିଲେ। ମୁଖ୍ଯଦପ୍ତର ଚିକିତ୍ସାଳୟର ଡାକ୍ତର ମନସ୍ବିନୀ ସାମଲ ଓ ଡାକ୍ତର ଦିବ୍ୟରଞନ ସାମଲ ଅନ୍ତେବାସୀ ମାନଙ୍କର ସ୍ବାସ୍ଥ୍ଯ ପରୀକ୍ଷା କରି ଆବଶ୍ଯକ ପରାମର୍ଶ ଦେଇଥିଲେ। ଭାରପ୍ରାପ୍ତ କାରାଧ୍ଯକ୍ଷ ପ୍ରଭାସ ରଞ୍ଜନ ଜେନା ଧନ୍ଯବାଦ ଅର୍ପଣ କରିଥିବା ବେଳେ ଅନ୍ତେବାସୀ ମାନେ ଆଜିର ଦିବସଟିକୁ ସ୍ମରଣୀୟ ରଖିବାପାଇଁ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। କାର୍ଯ୍ୟକ୍ରମ ପରିଚାଳନା ରେ ପ୍ରାଧିକରଣ ଓ କାରାଗାରର କର୍ମଚାରୀମାନେ ସହଯୋଗ କରିଥିଲେ।