ଆପ୍କୁ ବଡ଼ ଝଟକା; ପାର୍ଟିରୁ ଇସ୍ତଫା ଦେଲେ ରାଘବ ଚଢ଼ା, ବିଜେପିରେ ସାମିଲ୍‌ ନେଇ ଘୋଷଣା

ନୂଆଦିଲ୍ଲୀ : ଆଜି ଦିଲ୍ଲୀରେ ଏକ ବଡ଼ ରାଜନୈତିକ ବିସ୍ଫୋରଣ ଘଟିଛି। ଆପ୍ ଛାଡିଛନ୍ତି ସାଂସଦ ରାଘବ ଚଢା। ‘ଆମ୍ ଆଦ୍‌ମୀ ପାର୍ଟିର ପ୍ରତିଷ୍ଠାତା ସଦସ୍ୟ, ଦଳର ବରିଷ୍ଠ ନେତା ତଥା ରାଜ୍ୟସଭା ସାଂସଦ ରାଘବ ଚଢା ଶେଷରେ ଆପ୍ ରୁ ଇସ୍ତଫା ଦେଇଛନ୍ତି। ଏକ ସାମ୍ବାଦିକ ସମ୍ମିଳନୀ କରି ଦଳ ଛାଡିବା ଘୋଷଣା କରିଛନ୍ତି। କେବଳ ସେତିକି ନୁହେଁ, ରାଜ୍ୟସଭାରେ AAPର ଦୁଇ-ତୃତୀୟାଂଶ ସଦସ୍ୟ ଶାସକ ବିଜେପି ସହ ମିଶିବାକୁ ଯାଉଥିବା ନେଇ ସେ ସୂଚନା ଦେଇଛନ୍ତି। ଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀ କରି ରାଘବ ଚଢ଼ା ଆଜି ସମସ୍ତଙ୍କୁ ଚକିତ କରିଛନ୍ତି। ଏହା ସହିତ ସେ ଆଉ ଏକ ବିସ୍ଫୋରକ ବୟାନ ଦେଇ କହିଛନ୍ତି, ରାଜ୍ୟସଭାରେ ଆପ୍‌ର ଦୁଇ-ତୃତୀୟାଂଶ ସାଂସଦ ଶାସକ ବିଜେପି ସହ ମିଶିବାକୁ ଯାଉଛନ୍ତି। ଏହି ଦାବି ପରେ ଦିଲ୍ଲୀର ରାଜନୀତିକ ପରିସ୍ଥିତି ସରଗରମ ହୋଇଯାଇଛି। ରାଘବ ଚଢ଼ା ମନ୍ତବ୍ୟ ଦେଇଛନ୍ତି, ‘ମୁଁ ମୋ ରକ୍ତ ଏବଂ ଝାଳ ଦେଇ ଆମ ଆଦମୀ ପାର୍ଟିକୁ ପୋଷଣ କରିଛି। ମୁଁ ଏହା ଦ୍ୱାରା ଘୋଷଣା କରୁଛି ଯେ ମୁଁ ଆମ ଆଦମୀ ପାର୍ଟିରୁ ନିଜକୁ ଦୂରେଇ ରଖୁଛି। ମୁଁ ଏହି ଦଳର ପ୍ରତିଷ୍ଠାତା ସଦସ୍ୟ ଥିଲି; ହୁଏତ ମୋ ଅପେକ୍ଷା ଏହି ଦଳକୁ କେହି ଭଲ ଭାବରେ ଜାଣିପାରିବେ ନାହିଁ। ଆମ ଆଦମୀ ପାର୍ଟି ଆଉ ପୂର୍ବ ଭଳି ଦଳ ନୁହେଁ। ମୁଁ ଗତ କିଛି ବର୍ଷ ଧରି ଦଳର କାର୍ଯ୍ୟକଳାପରୁ ଦୂରରେ ରହିଥିଲି କାରଣ ମୁଁ ସେମାନଙ୍କ ଅପରାଧରେ ସାମିଲ ହୋଇପାରିବି ନାହିଁ। ମୁଁ ସେମାନଙ୍କ ଭୁଲର ପକ୍ଷ ହେବାକୁ ମନା କରିଦେଇଥିଲି ତେଣୁ ମୁଁ ସେମାନଙ୍କ ବନ୍ଧୁତାର ଅଯୋଗ୍ୟ ବିବେଚିତ ହୋଇଥିଲି।’ ସେହିପରି ସନ୍ଦୀପ ପାଠକ କହିଛନ୍ତି, ‘ମୁଁ ମୋ ଜୀବନରେ କେବେ କଳ୍ପନା କରି ନଥିଲି ଯେ ଏପରି ପରିସ୍ଥିତି ସୃଷ୍ଟି ହେବ – ତଥାପି ଏହା ଏଠାରେ ଅଛି। ଆଜି, ମୁଁ ଆମ ଆଦମୀ ପାର୍ଟି ସହିତ ମୋର ସମ୍ପର୍କ ଛିନ୍ନ କରୁଛି। ମୁଁ ଏକ ଚାଷୀ ପରିବାରରୁ ଆସିଛି ଏବଂ ମୋର ଶିକ୍ଷା ଗ୍ରହଣ କରିଛି। ମୁଁ ଏକମାତ୍ର ଉଦ୍ଦେଶ୍ୟ ସହିତ ରାଜନୀତିରେ ପ୍ରବେଶ କରିଛି: ଦେଶ ପାଇଁ କିଛି ଗୁରୁତ୍ୱପୂର୍ଣ୍ଣ କରିବା। ମୁଁ ରାଷ୍ଟ୍ର ସେବା କରିବାର ଏକମାତ୍ର ଉଦ୍ଦେଶ୍ୟ ସହିତ ଆମ ଆଦମୀ ପାର୍ଟିରେ ଯୋଗ ଦେଇଛି। ମୁଁ ସବୁବେଳେ ଅରବିନ୍ଦ କେଜରିୱାଲଙ୍କୁ ପ୍ରାଥମିକତା ଦେଇଛି। ଏପର୍ଯ୍ୟନ୍ତ ମୁଁ ନେଇଥିବା ପ୍ରତ୍ୟେକ ନିଷ୍ପତ୍ତି ଦଳର ସ୍ବାର୍ଥକୁ ସର୍ବୋପରି ରଖି ନିଆଯାଇଛି। ମୁଁ ସମ୍ପୂର୍ଣ୍ଣ ସଚ୍ଚୋଟତାର ସହିତ କାମ କରିଛି। ରାଜନୈତିକ ଦଳଗୁଡ଼ିକ ଏହି ଦେଶରେ ରହିବା ଉଚିତ। ତଥାପି, ଆଜିଠାରୁ, ଆମର ପଥ ଭିନ୍ନ ହୋଇଯାଏ।’ ଅରବିନ୍ଦ କେଜ୍ରିୱାଲଙ୍କ ନେତୃତ୍ୱରେ ଥିବା ଆପ୍ ପାଇଁ ଏହା ବଡ଼ ଝଟକା ବୋଲି ମନାଯାଉଛି। ଆଗରୁ ଅଶୋକ ମିତ୍ତଲଙ୍କୁ ରାଜ୍ୟସଭାରେ ଉପନେତା କରାଯାଇଥିବା ବେଳେ, ଏବେ ସେମାନେ ମଧ୍ୟ ରାଘବଙ୍କ ସହ ଥିବା ନେଇ ଖବର ଆସିଛି। ଆଗାମୀ ଦିନରେ ଦିଲ୍ଲୀର ରାଜନୀତି କେଉଁ ଦିଗକୁ ଘୁଞ୍ଚିବ ତାହାଉପରେ ସମସ୍ତଙ୍କ ନଜର ରହିଛି।