ସୁନ୍ଦରଗଡ଼, ୦୨/୦୭/୨୦ (ସନ୍ଧାନ ନିଉଜ) : ଡାଲମିଆ ସିମେଣ୍ଟର ରାଜଗାଙ୍ଗପୁର କାରଖାନା ତରଫରୁ ସହରରେ ଅନ୍ନକ୍ଷେତ୍ର କାର୍ଯ୍ୟକ୍ରମ ଆୟୋଜିତ ହୋଇ ଯାଇଛି l ଏହି କାର୍ଯ୍ୟକ୍ରମ ଅଧୀନରେ ୫୦୦ ସ୍ଥାନୀୟ ଗରିବ ଲୋକଙ୍କୁ ମଧ୍ୟାହ୍ନ ଭୋଜନ ବଣ୍ଟନ କରାଯାଇଛି l ସୁରୁଡି ଏବଂ ରାଣୀବନ୍ଧ ପୁଲିୟାଟୋଲୀ ଅଂଚଳରେ ଏହି ଖାଦ୍ୟ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି l ଏଥି ସହିତ ଲୋକମାନଙ୍କ ସୁରକ୍ଷା ପାଇଁ ସେମାନଙ୍କୁ ମାଗଣାରେ ମାସ୍କ ମଧ୍ୟ ବଣ୍ଟା ଯାଇଥିଲା lଡାଲମିଆ ସିମେଣ୍ଟ ଭାରତ ଲିମିଟେଡ଼ ଅଂଚଳ ପ୍ରତି ଥିବା ନିଜର ସାମାଜିକ ଦାୟିତ୍ୱକୁ ଧ୍ୟାନରେ ଅଞ୍ଚଳର ଲୋକମାନଙ୍କ ସମସ୍ୟା ପ୍ରତି ସମ୍ବେଦନଶୀଳ l ସେଥିପାଇଁ ଲକ ଡାଉନ ସମୟରେ ରାଜଗାଙ୍ଗପୁର ଅଞ୍ଚଳରେ କୌଣସି ବ୍ୟକ୍ତି ଯେପରି ଭୋକିଲା ନ ରହିବେ ସେଥିପ୍ରତି ବିଶେଷ ଧ୍ୟାନ ଦେଇଥିଲେ l ସେ ସମୟରେ କମ୍ପାନୀ ତରଫରୁ ସହସ୍ରାଧିକ ଲୋକଙ୍କୁ ରନ୍ଧାଖାଦ୍ୟ ସହିତ ରାସନ ମଧ୍ୟ ପ୍ରଦାନ କରାଯାଇଥିଲା l