ଜେନାପୁର/ ୧୩/୦୯/ସନ୍ଧାନ ନିୟୁଜ୍ /ପ୍ରଶାନ୍ତ ସାମଲ) ଯାଜପୁର ଜିଲ୍ଲା ଧର୍ମଶାଳା ବ୍ଲକ ଜେନାପୁର ଅଧିନ ଏଣ୍ଡଳବା ଗ୍ରାମ ପଞ୍ଚାୟତର ବିଭିନ୍ନ ଗ୍ରାମରେ ଲଗାଣ ବର୍ଷା ହେବା ଫଳରେ ଅନେକ ଗ୍ରାମ ମାନଙ୍କରେ କ୍ଷୟକ୍ଷତି ହେବା ଦେଖିବାକୁ ମିଳିଛି । ସୂଚନାରୁ ପ୍ରକାଶ ଗତ ରାତ୍ରି ମଧ୍ୟରୁ ବିଭିନ୍ନ ଜାଗାରେ ଲଗାଣ ବର୍ଷା ଲାଗିରହିଥିବାରୁ ଅନେକ ସ୍ଥାନରେ ଘର ଭିତରେ ପାଣି ପଶିବା ସହ ଅନେକ ଘରର କାନ୍ଥ ଘୁଷୁଡି ଭାଙ୍ଗି ଯିବା ଦେଖିବାକୁ ମିଳିଛି । ଏମିତିକି ସେହି ପଞ୍ଚାୟତର ମାଳ ଗ୍ରାମର ଦୀର୍ଘ ବର୍ଷ ଧରିରହିଥିବା ଏକ ବିଶାଳ ବର ଗଛ ଭାଙ୍ଗି ଯାଇଥିବା ସୂଚନା ମିଳିଛି । ଏହି ଅଞ୍ଚଳରେ ଅନେକ ଜାଗାରେ ବହୁ ଛୋଟ ବଡ଼ ଗଛ ଭାଙ୍ଗି ଯାଇଥିବା ଦେଖିବାକୁ ମିଳିଛି। ଏମିତିକି କଲାଣ୍ଡ ଗ୍ରାମର ଗୁରୁ ସାହିର ଅନେକ ଘରେ ପାଣି ପସିଯିବାରୁ ରୋଷେଇ କରିବା କଷ୍ଟକର ହୋଇ ପଡିବା ବେଳେ ସେହିପରି ଏଣ୍ଡଳବା ଗ୍ରାମର ଗଳି ସାହିରେ ପାଣି ପସିଯିବାରୁ ଯିବା ଆସିବା କରିବା ମୁସ୍କିଲ ହୋଇ ଯାଇଛି । ଏମିତି କି ଏହି ଅଞ୍ଚଳର ବିଛାଖଣ୍ଡି ,ପାଟପୁର, ବାଘୁଆ ବାରଣା , ମାଳ, କଲାଣ୍ଡ, ପାଇକରା ପୁର, ରେଖିଦେଇପୁର, କଦମ ପାଟଣା ,କବାଟ ବନ୍ଧ, ରାଇଚନ୍ଦା ,ବାରକଣା ,ତଇଲା ସାହି ,ସିଧାପାଳ ସମେତ ଅନେକ ଗ୍ରାମରେ ପାଣି ପଶି ଯିବାର ଦେଖିବାକୁ ମିଳିଛି।ପୁଣି ଥରେ ୧୬ ତାରିଖରେ ଆଉ ଏକ ଲଘୁଚାପ ହେବାକୁ ଯାଉଥିବା ବେଳେ ଚାଷୀଙ୍କର ଭାଇ ମାନଙ୍କର ଫସଲ କେମିତି ଉଦ୍ଧାର ହେବ ସେଥି ନେଇ ଚାଷୀ ପୁଅ ମୁଣ୍ଡରେ ହାତ ଦେଇ ବସିଛି । ପାଣିପାଗ ବିଭାଗରୁ ସୂଚନା ମିଳିଛି ଯେ ୧୯୮୭ ମସିହାର ରେକର୍ଡ ଭାଙ୍ଗିଲା ସେପ୍ଟେମ୍ବର ମାସର ବର୍ଷା, ଦେଖା ଯାଉ ଆଗକୁ ଯେଉଁ ଲଘୁଚାପ ଆସୁଛି ଓଡ଼ିଆ ବାସୀ ତାହାକୁ ସମ୍ଭାଳି ପାରୁଛନ୍ତି କି ନାହିଁ ।।
