ଯାଜପୁର/୨୯/୪/ (ସନ୍ଧାନ ନ୍ୟୁଜ ): ମଧୁବାବୁଙ୍କ ଜୟନ୍ତୀ ଅବସରରେ ବରୀ ମାଟିରେ ଦେଖିବାକୁ ମିଳିଛି ମାନବ ସେବାର ଅନନ୍ୟ ନିଦର୍ଶନ। ଉତ୍କଳ ଗୌରବ ମଧୁସୂଦନ ଦାସଙ୍କ ସ୍ମୃତି ଚାରଣ କରିବା ସହ ବରୀ ଓକିଲ ସଙ୍ଘ ପକ୍ଷରୁ ଏକ ବିଶାଳ ମାଗଣା ସ୍ୱାସ୍ଥ୍ୟ ଶିବିର ଓ ଔଷଧ ବଣ୍ଟନ କାର୍ଯ୍ୟକ୍ରମ ସଫଳତାର ସହ ସମ୍ପନ୍ନ ହୋଇଯାଇଛି।
ବରୀ ପ୍ରଗତି କ୍ଲବ ପରିସରରେ ଆୟୋଜିତ ଏହି ଶିବିରରେ ଅଞ୍ଚଳର ଶତାଧିକ ବରିଷ୍ଠ ନାଗରିକ ଓ ଜନସାଧାରଣଙ୍କୁ ମାଗଣା ଚିକିତ୍ସା ସେବା ଯୋଗାଇ ଦିଆଯାଇଥିଲା। ଏହି ମହତ କାର୍ଯ୍ୟରେ ସାମିଲ ହୋଇଥିଲେ:
ଡାକ୍ତର ନିହାର ରଞ୍ଜନ କର: ରୋଟାରିଆନ ତଥା କବାଟବନ୍ଧ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରର ମୁଖ୍ୟ।
ଡାକ୍ତର ପ୍ରଭାସ ସ୍ୱାଇଁ: ଯାଜପୁର ମୁଖ୍ୟ ଚିକିତ୍ସାଳୟର ବିଶିଷ୍ଟ ଚକ୍ଷୁ ବିଶେଷଜ୍ଞ।
ଡାକ୍ତର ଶଶିକାନ୍ତ ସାହୁ: ବରୀ ଆୟୁଷ ବିଭାଗର ଅଭିଜ୍ଞ ଚିକିତ୍ସକ।
ପ୍ରଫୁଲ୍ଲ ନାୟକ: ବରୀ ଜନ ସ୍ୱାସ୍ଥ୍ୟ ସମ୍ପ୍ରସାରଣ ଅଧିକାରୀ।
ଏଥିସହ ବରୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ମୋବାଇଲ ଟିମ୍ ସମସ୍ତ ପ୍ରକାରର ରକ୍ତ ପରୀକ୍ଷା ଓ ମାଗଣା ଔଷଧ ବଣ୍ଟନରେ ମୁଖ୍ୟ ଭୂମିକା ଗ୍ରହଣ କରିଥିଲେ।
ଏହି ସେବା ଶିବିରକୁ ବରୀପାଳ କୋର୍ଟର ମାନ୍ୟବର ବିଚାରପତି ଅନୁଶ୍ରୀ ଜେନା ଏବଂ ବରୀ ତହସିଲଦାର ଦିପ୍ତିମୟୀ ବେହେରା ପରିଦର୍ଶନ କରିଥିଲେ। ସେଠାରେ ଉପସ୍ଥିତ ରୋଗୀ ଓ ଡାକ୍ତରମାନଙ୍କ ସହ ଆଲୋଚନା କରିବା ସହିତ ଓକିଲ ସଙ୍ଘର ଏହି ମାନବୀୟ କାର୍ଯ୍ୟକୁ ଉଚ୍ଚ ପ୍ରଶଂସା କରିଥିଲେ।
ଓକିଲ ସଙ୍ଘର ସଭାପତି ରାଜ କିଶୋର ସାମଲଙ୍କ ନେତୃତ୍ୱରେ ସଙ୍ଘର ସମସ୍ତ ସଦସ୍ୟ ଏବଂ ପ୍ରଗତି କ୍ଲବର କର୍ମକର୍ତ୍ତାମାନେ ଶିବିରଟିକୁ ସୂଚାରୁରୂପେ ପରିଚାଳନା କରିଥିଲେ। କେବଳ ଉତ୍ସବ ପାଳନ ନୁହେଁ, ବରଂ ଜନସେବା ହିଁ ମଧୁବାବୁଙ୍କ ପ୍ରତି ଶ୍ରେଷ୍ଠ ଶ୍ରଦ୍ଧାଞ୍ଜଳି ବୋଲି ସଙ୍ଘ ପକ୍ଷରୁ ମତ ପ୍ରକାଶ ପାଇଛି।
