ମାଲକାନଗିରି: ୨ ମାଓବାଦୀ ଗିରଫ

ମାଲକାନଗିରି, ୨୩/୦୬ (ସନ୍ଧାନ ନୁ୍ୟଜ)- କାଲିମେଳା ବ୍ଲକ ତେଲରାଇ ପଂଚାୟତ ସୁଧାକୋଣ୍ଡା ଗ୍ରାମରେ ବୁଧବାର ରାତ୍ରରେ ମାଓବାଦୀମାନେ ପୋଲିସ ଇନଫରମର ଦର୍ଶାଇ ଗଙ୍ଗା ମାଡ଼କାମୀକୁ ଗୁଳି କରି ହତ୍ୟା କରିଥିଲେ । ଗଙ୍ଗାଙ୍କ ଭାଇ ଏ ସମ୍ପର୍କରେ କାଲିମେଳା ଥାନାରେ ଗୁରୁବାର ଏତଲା ଦେବା ପରେ ପୋଲିସ ଘଟଣାର ତିଦନ୍ତ କରି ଶୁକ୍ରବାର ଦୁଇ ଜଣ ମାଓବାଦୀଙ୍କୁ ଗିରଫ କରିବାରେ ସଫଳ ହୋଇଛନ୍ତି । ଏ ସମ୍ପର୍କରେ ଏକ ସାମ୍ବାଦିକ ସମ୍ମିଳନୀରେ ଗଣମାଧ୍ୟମ ସମ୍ମୁଖକୁ ଅଣାଯିବା ପରେ ମାଓବାଦୀକୁ ଅଧିକ ପଚରା ଉଚୁରା ପାଇଁ ନିଆଯାଇଥିବା ଏବଂ ତଦନ୍ତ ପ୍ରକ୍ରିୟାରେ ବାଧା ଉପୁଜିବାର ଆଶଙ୍କା ଥିବାରୁ ସେମାନଙ୍କ ପରିଚୟ ଗୋପନ ରଖାଯାଇଥିବା ଏସପି ଜଗମୋହନ ପ୍ରକାଶ କରିଛନ୍ତି । ପ୍ରକାଶ ଥାଉକି, ମାଓବାଦୀମାନେ କାହାକୁ ହତ୍ୟା କରିବା ପରେ ଏଥିରେ ସମ୍ପୃକ୍ତ ଥିବା ମାଓବାଦୀଙ୍କୁ ଗୋଟିଏ ଦିନ ମଧ୍ୟରେ ଗିରଫ କରାଯିବା ଘଟଣା ଜିଲ୍ଲାରେ ପ୍ରଥମ ଅଟେ ।