ମାଟ୍ରିକ୍‌ ସପ୍ଲିମେଣ୍ଟାରୀ ରେଜଲ୍ଟ ପ୍ରକାଶିତ, ପାସ୍‌ ହାର ୪୧.୧୫%

ଭୁବନେଶ୍ୱର, ୨୩/୭ (ସନ୍ଧାନ ନିୟୁଜ): ମାଧ୍ୟମିକ ଶିକ୍ଷା ପରିଷଦ, ଓଡ଼ିଶା ଦ୍ୱାରା ପରିଚାଳିତ ମାଟ୍ରିକ୍‌ ସପ୍ଲିମେଣ୍ଟାରୀ ରେଜଲ୍ଟ ସୋମବାର ଅପରାହ୍ନରେ ପ୍ରକାଶିତ ହୋଇଛି। ଏହି ପରୀକ୍ଷାରେ ୪୧.୧୫ ପ୍ରତିଶତ ଛାତ୍ରଛାତ୍ରୀ କୃତକାର୍ଯ୍ୟ ହୋଇଛନ୍ତି। ବାର୍ଷିକ ପରୀକ୍ଷାରେ ଫେଲ୍‌ କରିଥିବା ୨୫ ହଜାର ୧୯୮ ଜଣ ଛାତ୍ରଛାତ୍ରୀ ସପ୍ଲିମେଣ୍ଟାରୀ ପରୀକ୍ଷା ଦେଇଥିଲେ। ଏଥିରୁ ୧୦ ହଜାର ୩୩ ଜଣ ପିଲା ପାସ୍‌ କରିଥିବା ଜଣାପଡ଼ିଛି। ଛାତ୍ରଛାତ୍ରୀମାନେ ନିଜର ପରୀକ୍ଷା ରେଜଲ୍ଟ ଜାଣିବା ପାଇଁ ବୋର୍ଡର ୱେବ୍‌ସାଇଟ୍‌ www.bseodish.ac.inକୁ ଲଗ୍‌ ଇନ୍‌ କରି ପାରିବେ।