ଜେନାପୁର, ୧୩/୦୩(ସନ୍ଧାନ ନିୟୁଜ୍/ପ୍ରଶାନ୍ତ ସାମଲ) ଧର୍ମଶାଳା ବ୍ଲକ ଜେନାପୁର ଥାନା ଅନ୍ତର୍ଗତ ରାଇଚନ୍ଦା ଗ୍ରାମପଞ୍ଚାୟତ ଅଧିନ ମୁକୁନ୍ଦ ପାତ୍ର ମହାବିଦ୍ୟାଳୟ ପାଖରେ ଥିବା ଏକ ପୋଖରୀ ହୁଡ଼ାରେ କଦମ ଗଛରେ ଜଣେ ଯୁବତୀ ଏକ କପଡ଼ା ଓନି ସାହାଯ୍ୟରେ ବେକରେ ଗୁଡେଇ ହୋଇ ଜଝୁଲୁଥିବାର ଦେଖିବାକୁ ମିଳିଥିଲା । ମୃତକ ଜଣଙ୍କ ଲେଲେ କନ୍ତପଡା ଦଳିତସାହିର ଚୈତନ୍ୟ ମଲ୍ଲିକଙ୍କ ଝିଅ ଗଙ୍ଗା ମଲ୍ଲିକ ୧୮ ବୋଲି ଜଣା ପଡ଼ିଛି । ଖବର ପାଇ ଜେନାପୁର ପୋଲିସି ଘଟଣା ସ୍ଥଳରେ ପହଞ୍ଚି ଶବକୁ ଗଛରୁ ତଳକୁ ଓଲ୍ଲାଇ ଲୋକମାନଙ୍କୁ ପଚାର ଉଚାର କରିବା ସଙ୍ଗେ ସଙ୍ଗେ ଶବକୁ ଜବଦ କରି ଦାନଗଦି ଗୋଷ୍ଟି ସ୍ୱାସ୍ଥ୍ୟକେନ୍ଦ୍ରକୁ ପଠାଇଦେଇଥିଲେ । କିନ୍ତୁ ଏଠି କଥାଉଠୁଛିଯେ ଯଦି ସେ ଝିଅ ଆତ୍ମହତ୍ୟା କରିଥିବ ତେବେ ଏତେବଡ ଗୋଟେ କଦମ ଗଛରେ ଚଢ଼ିଲା କେମିତି ଯାହାକି ଗଛଟି ପୁରା ସିଧା ଓ ପ୍ଲେନ ଅଛି । କିନ୍ତୁ ଏଠି ଲୋକମାନଙ୍କ ମଧ୍ୟରେ ଆଲୋଚନା ଜୋର ଧରିଛିଯେ ଲଭସମସ୍ୟା କୁ ନେଇ ଏକାଧିକ ଲୋକେ କାଲି ରାତିରେ ଦୁଷ୍କର୍ମ କରିବା ସହ କୌଣସି ଉପାୟରେ ମାରି ଗଛରେ ଟାଙ୍ଗିଦେଇଛନ୍ତି । ଲୋକମାନଙ୍କ ମଧ୍ୟରେ ଉତେଜନା ଦେଖିବାକୁ ମିଳିଥିଲା ପୋଲିସି ବୁଝାସୁଝା କରି ଲୋକମାନଙ୍କୁ ଶାନ୍ତ କରିଥିଲେ । ଜେନାପୁର ପୋଲିସି ଘଟଣାଟିକୁ ଯଦି ଉପଯୁକ୍ତ ତଦନ୍ତ କରିବ ତେବେ ମୃତ୍ୟୁର ରହସ୍ୟ ଜଣାପଡିବ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି ।
