ପଟୁଣିଆ ବିଜୁ ଯୁବ ବାହିନୀ ପକ୍ଷରୁ ସଚେତନତା କାର୍ଯ୍ୟକ୍ରମ

ଧର୍ମଶାଳା, ୨/୧୦(ସନ୍ଧାନ ନିୟୁଜ/ମାନସ ରାଉତ) ପବିତ୍ର ଗାନ୍ଧୀ ଜୟନ୍ତୀ ଉପଲକ୍ଷେ ଧର୍ମଶାଳା ବ୍ଲକ ଅନ୍ତର୍ଗତ ପଟୁଣିଆ ଗ୍ରାମ ପଂଚାୟତ ଅଧିନ ବଡନଛିପୁର ବିଦ୍ୟାଳୟ ପରିସରରେ ବିଜୁ ଯୁବ ବାହିନୀ ପକ୍ଷରୁ ନିଶା ନିବାରଣ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପଟୁଣିଆ ବିଜୁ ଯୁବ ବାହିନୀ ସଭାପତି ବିକାଶ କୁମାର ସାମଲଙ୍କ ଅଧ୍ୟକ୍ଷତା କରିଥିଲେ । ଅନ୍ୟମାନଙ୍କ ମଧ୍ୟରେ ଯୁବ ବିଜେଡି ସଭାପତି ଅଭୟ ସାମଲ, କେଶବ ସାମଲ, ଦିଲ୍ଲିପ କୁମାର ଦଳାଇ, ସ୍ମୃତି ରଂଜନ ନାୟକ ପ୍ରମୁଖ ନିଶା ନିବାରଣ ଆଲୋଚନାରେ ଅଂଶ ଗ୍ରହଣ କରିଥିଲେ । ପଟୁଣିଆ ପଂଚାୟତରେ କିପରି ଭାବେ ନିଶାକୁ ପରିତ୍ୟାଗ କରି ସମାଜରେ ସମସ୍ତେ ଭଲ ମଣିଷ ହୋଇ ସମାଜ କଲ୍ୟାଣ କାର୍ଯ୍ୟରେ ନିଜକୁ ନିୟୋଜିତ କରିପାରି ଜାତୀୟ ଜନକ ମହାତ୍ମାଗନ୍ଧୀଙ୍କ ସ୍ୱପ୍ନକୁ ସାକାର କରି ସମାଜର ଉନ୍ନତିରେ ଭାଗୀଦାର ହେବାକୁ ପରାମର୍ଶ ମାନ ଦେବା ସହିତ ନିଶା ନଖାଇବା ଉପରେ ଗ୍ରାମବାସୀଙ୍କ ମଧ୍ୟରେ ସଚେତନା ସୃଷ୍ଟି କରିଥିଲେ ।