ତୃତୀୟ ଦିବସରେ ଯୋଡ଼ାର ଭେଲି ସିଟି ପୁସ୍ତକ ମେଳା

ଯୋଡ଼ା୦୮/୦୧ – କେନ୍ଦୁଝର ଜିଲ୍ଲା ଯୋଡ଼ା ସହର ରେ ଜାନୁଆରୀ ମାସ ଛଅ ତାରିଖ ରୁ ଆରମ୍ଭ ହୋଇଥିବା  ପୁସ୍ତକ ମେଳା ଆଜି ତୃତୀୟ ଦିବସରେ ପହଁଚିଛି  |  ରାଜ୍ୟ ର ବହୁ ନାମୀ ପୁସ୍ତକ ପ୍ରକାଶକ ମାନେ ଭିଭିନ୍ନ ପ୍ରକାର ପୁସ୍ତକ ଯଥା -ଛୋଟ ପିଲା ଙ୍କ ପାଇଁ  କୁଇଜ, ଡ୍ରଇଂ, ଓଡିଶା ଓ ଇଂରାଜୀ ବ୍ୟାକରଣ, ଟେନ୍ସ ଚାଟ, ଓଡିଶା ଓ ଇଂରାଜୀ ଅବିଧାନ, କ୍ଷୁଦ୍ର ପ୍ରବନ୍ଧ, ଗଳ୍ପ, ପତ୍ର ଲିଖନ  ଆଦି , ପୁସ୍ତକ ଷ୍ଟୋଲ ରେ ରଖି  ବିକ୍ରି କରୁଥିବା  ବେଳେ ମହିଳା  ଙ୍କ ପାଇଁ  ସୁଦଶା ବ୍ରତ କଥା, ଲଷ୍ମୀ ପୁରାଣ, ଜଗନ୍ନାଥ କଥା ମୃତ, ଲଷ୍ମୀ ସହସ୍ର ନାମ ଆଦି ପୁସ୍ତକ ରଖି ବିକ୍ରି କରୁଥିବା ଦେଖିବାକୁ ମିଳୁଛି | ସେହି ପରି ହାଇସ୍କୁଲ ଓ କଲେଜ ପିଲା ମାନଙ୍କ ପାଇଁ  ଅବିଧାନ, ବକୃତା, ପ୍ରବନ୍ଧ, ପତ୍ର ଲିଖନ, ନିଯୁକ୍ତି ସମ୍ପର୍କିତ ପୁସ୍ତକ ଓ  ଓଡ଼ିଆ ସାହିତ୍ୟ ପ୍ରତି ରୂଚି ରଖି ଥିବା,  କବି ଓ ଲେଖକ ମାନଙ୍କ ପାଇଁ  ଓଡିଶା ର ପ୍ରସିଦ୍ଧ ଲେଖକ ଓ କବି ମାନଙ୍କ ବହୁମୂଲ୍ୟ  କବିତା ସଂକଳନ, ଗଳ୍ପ ମାଳା, ଜଗନ୍ନାଥ ଙ୍କ ନୀତିକାନ୍ତି, ଉପନ୍ୟାସ, ଆଦି  ପୁସ୍ତକ ରଖି ବିକ୍ରି କରୁଥିବା ଦେଖିବାକୁ ମିଳିଛି |ଯଦିଓ ଯୋଡ଼ା ରେ ପ୍ରବଳ ଶୀତ ପାଇଁ ସନ୍ଧ୍ୟା ସାତ ଘଟିକା ପରେ  ପାଠକ  ଙ୍କ ଭିଡ଼ ଦେଖିବାକୁ ମିଳୁନାହିଁ ତଥାପି ଅପରାହ୍ନ ଚାରି ଘଟିକା ରୁ ସାତ ଘଟିକା ପର୍ଯ୍ୟନ୍ତ ସ୍କୁଲ ପିଲା ଙ୍କ ଭିଡ଼ ଦେଖିବାକୁ ମିଳୁଛି |  ପୁସ୍ତକ ମେଳା ଏହି ବର୍ଷ ପ୍ରଥମ ଥର ପାଇଁ ଯୋଡ଼ା ସହରରେ ରେ ଆୟୋଜିତ  ହୋଇ ଥିବା ବେଳେ ଲୋକ ଙ୍କ ଭିତରେ ଉତ୍ସାହ ଦେଖିବାକୁ ମିଳୁଛି | ଏହାର ପ୍ରଚାର ପ୍ରସାର ହେଲେ ଏହି ପୁସ୍ତକ ମେଳା ମାଧ୍ୟମରେ ଯୋଡ଼ା ଖଣି ଅଞ୍ଚଳ ରେ ଶିକ୍ଷା, ଓ ସାହିତ୍ୟର ପୂର୍ଣ୍ଣାଙ୍ଗ ବିକାଶ ହେବା ସଙ୍ଗେ ସଙ୍ଗେ ଲୋକ ଙ୍କ ଚାହିଦା ମୁତାବକ  ପୁସ୍ତକ କ୍ରୟ କରିବାର ସୁଯୋଗ ନେଇ ନିଜ ଜ୍ଞାନ ର ପରି ପ୍ରକାଶ କରି ପାରିବେ ବୋଲି ସାଧାରଣ ରେ ଆଲୋଚନା ହେଉଛି |