ଗାଡି ଧକ୍କାରେ ୨ ଭାଲୁ ମୃତ

ଯାଜପୁର, ୨୨/୫ (ସନ୍ଧାନ ନିୟୁଜ) କୋରାଇ ଥାନା ୨୦ ନମ୍ବର ଜାତୀୟ ରାଜପଥର ରଗଡିସ୍ଥିତ ଯାଜପୁର ପଲିଟେକନିକ ସମ୍ମମୁଖରେ ସୋମାବର ରାତ୍ରୀରେ ଦୁଇଟି ଭାଲୁ ରାସ୍ତା ପାର ହେଉଥିବା ବେଳେ ଟ୍ରକ ଧକ୍କା ଦେବାରୁ ଘଟଣାସ୍ଥଳେ ମୃତୁ୍ୟ ଘଟିଛି । ମୃତ ଭାଲୁ ଦୁଇଟି ରାସ୍ତା ଉପରେ ପଡି ରହିଥିବା ବେଳେ ସକାଳୁ ବନ ବିଭାଗ ପକ୍ଷରୁ ଭାଲୁଙ୍କ ଶବକୁ ଉଦ୍ଧାର କରାଯାଇଛି । ନିକଟସ୍ଥ ଜଙ୍ଗଲରୁ ଭାଲୁ ମାନେ ପଳାଇ ଆସିଥିବା ଅନୁମାନ କରାଯାଉଛି । ଭାଲୁ ମାନେ ଗ୍ରାମାଞ୍ଚଳକୁ ପଳାଇ ଆସୁଥିବାରୁ ସାଧାରଣରେ ଆତଙ୍କ ଖେଳିଯାଇଛି ।