ଏମାନେ ହେବେ ଚଳିତ ବର୍ଷର ବିଜେପି ପାର୍ଥୀ, ଥରେ ଜାଣି ନିଅନ୍ତୁ

 ଭୁବନେଶ୍ୱର,୩/୩ (ସନ୍ଧାନ ନିଉଜ) ବିଜେପି ତରଫରୁ ପୁରୀ ଲୋକସଭା ଆସନ ପାଇଁ ଲଢେଇ କରିବେ ଦିଲ୍ଲୀ ଦରବାରରେ ଦବଦବା ଥିବା ଓଡିଶାର ଯୁବ ନେତା ସମ୍ବିତ ପାତ୍ର। ସେହିପରି ସମ୍ବଲପୁରରୁ ପ୍ରାର୍ଥୀ ହେବେ ସୁରେଶ ପୂଜାରୀ, ଆଉ ଭୁବନେଶ୍ଵରରୁ ଲଢିବେ ଅପରାଜିତା ଷଡଙ୍ଗୀ। ଏହିପରି ବିଜେପିର ପୁରା ୨୧ଟି ଲୋକସଭା ଆସନର ପ୍ରାର୍ଥୀ ତାଲିକା ବର୍ତ୍ତମାନ ସୋସିଆଲ ମିଡିଆରେ ଘୁରି ବୁଲୁଛି। ଆଉ ଏହାକୁ ନେଇ ରାଜ୍ୟ ରାଜନିତିରେ ଆରମ୍ଭ ହୋଇଯାଇଛି ବଡ ଚର୍ଚ୍ଚା। ବର୍ତ୍ତମାନ  ରାଜନୈତିକ ଦଳଗୁଡିକ କାହାକୁ ପ୍ରାର୍ଥୀ କରିବେ ସେ ନେଇ କୌଣସି ନିଷ୍ପତି ନେଇ ନାହାଁନ୍ତି। ଏପରିକି ନିର୍ବାଚନ କେବେ ହେବ ତାହା ଘୋଷଣା ହୋଇ ନାହିଁ। ହେଲେ ବିଜେପିର ୨୧ଟି ଆସନର ପ୍ରାର୍ଥୀ ତାଲିକା ସୋସିଆଲ ମିଡିଆରେ ଘୁରି ବୁଲିବା ରାଜ୍ୟ ରାଜନୀତିକୁ ଗରମ କରିଦେଇଛି। ପ୍ରକୃତରେ ଏହି ତାଲିକାର କୌଣସି ସତ୍ୟତା ନାହିଁ ସତ। ହେଲେ ବିଜେପି ଶିବିରରେ ଏହାକୁ ନେଇ ଚର୍ଚ୍ଚା ହେବା ଅନେକଙ୍କୁ ଆଶ୍ଚର୍ଯ୍ୟ କରିଦେଇଛି। ସୋସିଆଲ ମିଡିଆରେ ବିଜେପିର ଯେଉଁ ୨୧ ଜଣ ପ୍ରାର୍ଥୀଙ୍କ ନାମ ଘୁରିବୁଲୁଛି ସେମାନେ ହେଲେ..

ରାଜନୈତିକ ଦୃଷ୍ଟିରୁ ଏହି ତାଲିକାକୁ ନିରେଖି ଦେଖିଲେ ଜଣାପଡେ କେତେକ ପ୍ରାର୍ଥୀଙ୍କ ନାମ ସତ ପରି ଲାଗୁଛି। କାରଣ ଅପରାଜିତା ଷଡଙ୍ଗୀ ବର୍ତ୍ତମାନ ଯେପରି ଭୁବନେଶ୍ଵର ଲୋକସଭା ଆସନ ପାଇଁ ପ୍ରଚାର ଚଲାଇଛନ୍ତି, ସେ ସେଠାରୁ ଛିଡା ହେବା ନିଶ୍ଚିତ। ସେହିପରି ସଂଗୀତା ସିଂଦେଓ,ରୁଦ୍ର ପାଣି, ଜୁଏଲ ଓରାମ ଏଥର ପ୍ରାର୍ଥୀ ହେବାର ବହୁ ସମ୍ଭାବନା ରହିଛି। ସେଥିପାଇଁ ଏହି ତାଲିକା ଉପରେ ଆଲୋଚନା ଚାଲିଛି। ତେବେ ବିଜେପିର ଚୁଡାନ୍ତ ତାଲିକା ପ୍ରକାଶ ପାଇଲେ ଏଥିରେ କେତେ ସତ୍ୟତା ଅଛି ତାହା ପରେ ଜଣାପଡିବ।