୫୩ ନମ୍ବର ଜାତୀୟ ରାଜପଥ ରେ ଦୁର୍ଘଟଣାରେ ମହିଳା ମୃତ,ଜଣେ ଆହତ ।

ଜେନାପୁର/ସନ୍ଧାନ ନ୍ୟୁଜ୍) ଯାଜପୁର ଜିଲ୍ଲା ଚଣ୍ଡିଖୋଲ -ଡ଼ୁବୁରୀ ୫୩ ନମ୍ବର ଜାତୀୟ ରାଜପଥ କନ୍ତପଡ଼ା ବ୍ରାହ୍ମଣୀ ବ୍ରିଜ ମଧ୍ୟରେ ଏକ ସଡ଼କ ଦୁର୍ଘଟଣା ଘଟି ଜଣଙ୍କର ମୃତ ହେବା ସହିତ ଜଣେ ଗୁରୁତର ହୋଇଥିବା ଜଣା ପଡ଼ିଛି। ସୂଚନା ଅନୁଯାୟୀ ମଙ୍ଗଳବାର ଅପରାହ୍ନ ପ୍ରାୟ ସାଢ଼େ ଗୋଟାଏ ସମୟରେ ଜେନାପୁର ଥାନା ଅନ୍ତର୍ଗତ ମର୍ଜିତାପୁର ପଂଚାୟତ ସାଥୁଆପାଟଣା ଗ୍ରାମର ସ୍ୱର୍ଗତ ପଞ୍ଚାନନ ସାହୁଙ୍କ ପତ୍ନୀ ତପସ୍ୱିନୀ ସାହୁ ତାଙ୍କର ଜଣେ ସମ୍ପର୍କୀୟଙ୍କ ସହିତ ମୋଟର ସାଇକେଲରେ ଯାଉଥିବା ସମୟରେ ଏକ ବସ ତାଙ୍କୁ ଧକ୍କା ଦେଇଥିଲା। ଫଳରେ ଘଟଣା ସ୍ଥଳରେ ତପସ୍ୱିନୀ ଙ୍କ ମୃତ୍ୟୁ ହେବା ସହିତ ବାଇକ ଚାଳକ ପଦ୍ମନାଭ ସାହୁ ଗରୁତର ଆହତ ହୋଇଥିଲେ। ସ୍ଥାନୀୟ ଲୋକଙ୍କ ସହାୟତାରେ ଗୁରୁତର ଙ୍କୁ ମେଡ଼ିକାଲ ପଠା ଯାଇଥିଲା। ମୃତ ତପସ୍ୱିନୀ ସାହୁ ପୂର୍ବତନ ସମିତି ସଭ୍ୟା ଓ ସେ ଜଣେ ରାଜନୀତିଜ୍ଞ ଭଲ ସଂଗଠକ ରୂପେ ଅଞ୍ଚଳରେ ପରିଚିତ ଥିଲେ। ଏହି ସମୟରେ ଗାଡ଼ି ଚଳା ଚଳ ବନ୍ଦ ରହିଥିଲା। ଘଟଣା ସ୍ଥଳରେ ଜେନାପୁର ପୋଲିସ,ଧର୍ମଶାଳା ବିଧାୟକ ହିମାଂଶୁ ଶେଖର ସାହୁ ପହଞ୍ଚି ବୁଝାସୁଜା କରିବା ପରେ ରାସ୍ତା ଭିଡ଼ ଭାଙ୍ଗିଥିଲା। ଧର୍ମଶାଳା ଅତିରିକ୍ତ ତହସିଲଦାର ରେଡ଼ କ୍ରସ ପାଣ୍ଠିରୁ ୩୦ ହଜାର ଟଙ୍କା ସହାୟତା ରାଶି ଘୋଷଣା କରିଛନ୍ତି।ଜେନାପୁର ପୋଲିସ ଗାଡ଼ି ଜବତ କରିବା ସମେତ ଶବ ଜବତ କରି ବ୍ୟବଛେଦ ପାଇଁ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇ ତଦନ୍ତ ଜାରୀ ରଖିଛି।