ରେଳଧାରଣାରେ ପ୍ରେମୀ ଯୁଗଳଙ୍କ ମୃତଦେହ

ସମ୍ବଲପୁର,୧୧/୦୪ (ସନ୍ଧାନ ନିୟୁଜ):  କଟାପାଲି ଆଇସ୍‌କ୍ରିମ୍‌ ଫ୍ୟାକ୍ଟ୍ରିପଛପଟ ରେଳଧାରଣାରୁ ପ୍ରେମୀ ଯୁଗଳଙ୍କ ମୃତଦେହ ଉଦ୍ଧାର ହୋଇଛି। ମୃତକ ଦ୍ୱୟ ଆ.କଟାପାଲି ନିକଟ ବୁଠିଟିକ୍ରା ଖଡ଼ିଆପଡ଼ାର ବୋଲି ଜଣାପଡ଼ିଛି। ଗୁରୁବାର ରେଳ ଧାରଣାରେ ଯୁବକ ଓ ଯୁବତୀଙ୍କ ମୃତଦେହ ପଡିଥିବା ଦେଖି ଲୋକେ ପୋଲିସ୍‌କୁ ଖବର ଦେଇଥିଲେ। ସମ୍ବଲପୁର ଜିଆର୍‌ପି ପୋଲିସ ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିଲେ। ପ୍ରାଥମିକ ତଦନ୍ତରୁ ଜଣାପଡ଼ିଛି ଯୁବକ ଜଣକ ୫ ବର୍ଷ ତଳେ ବିବାହ କରିଥିଲେ। ହେଲେ ୨ ମାସ ପରେ ତାଙ୍କ ସ୍ତ୍ରୀ ଛାଡ଼ି ଚାଲି ଯିବାରୁ ସଂପୃକ୍ତ ଯୁବତୀ ସହିତ ପ୍ରେମ ସଂପର୍କ ଗଢ଼ି ଉଠିଥିଲା। ଏହାକୁ ଯୁବତୀଙ୍କ ବାପା ବିରୋଧ କରୁଥିଲେ। ବୁଧବାର ରାତି ପ୍ରାୟ ୧୦ଟା ପରେ ଝିଅ ଘରେ ନଥିବା ଜାଣି ବାପା ଖୋଜାଖୋଜି କରି ପାଇନବା ପୋଲିସକୁ କହିଛନ୍ତି।