ଯୁବତୀଙ୍କୁ ଅନ୍ତସତ୍ତ୍ବା କରି ଯୁବକ ଗିରଫ

ବାରିପଦା ୧୪/୮/୨୦(ସନ୍ଧାନ ନିଉଜ/ଲିଙ୍ଗରାଜ ପଣ୍ଡା):- ଗୋରୁମାହିଷାଣୀ ଥାନା ଅନ୍ତର୍ଗତ ମାନିକପୁର ଗ୍ରାମର ଜନୈକ ବିବାହିତ ଯୁବକ ସେହି ଗ୍ରାମର ଜନୈକ ଯୁବତୀଙ୍କୁ ଅନ୍ତସତ୍ତ୍ୱ କରିଥିବା ଅଭିଯୋଗ ହୋଇଛି । ପ୍ରାପ୍ତ ସୂଚନା ଅନୁଯାୟୀ, ମାନିକପୁର ଗ୍ରାମର ଜନୈକ ୨୩ବର୍ଷ ବିବାହିତ ଯୁବକ ରାଜମିସ୍ତ୍ରୀ ଭାବେ କାର୍ଯ୍ୟ କରନ୍ତି ଏବଂ ତାଙ୍କ ଅଧିନରେ ଜନୈକ ୨୨ବର୍ଷ ଯୁବତୀ ହେଲପର ଭାବେ କାର୍ଯ୍ୟ କରୁଥିଲେ । ରାଜମିସ୍ତ୍ରୀ ଜନୈକ ଯୁବକ ଉକ୍ତ ଯୁବତୀ ସହିତ ଜୋରଜୋବରଦସ୍ତ ଶାରୀରିକ ସଂପର୍କ ରଖୁଥିଲେ । ଇତି ମଧ୍ୟରେ ଉକ୍ତ ଯୁବତୀ ଜଣକ  ୮ମାସର ଗର୍ଭବତୀ ହୋଇଥିଲେ ଏବଂ ଉକ୍ତ ରାଜମିସ୍ତ୍ରୀଙ୍କୁ ବିବାହ କରିବା ପାଇଁ କହିଥିଲେ । ମାତ୍ର ରାଜମିସ୍ତ୍ରୀ ଜଣକ ସେଥିରେ ଅମଙ୍ଗ ହେବାରୁ ଉକ୍ତ ଯୁବତୀ ଜଣକ ଗୋରୁମହିଷାଣୀ ଥାନାରେ ଅଭିଯୋଗ କରିଥିଲେ । ଥାନା ଅଧିକାରୀ ପି.କେ ସ୍ବାଇଁ ତୁରନ୍ତ ଘଟଣା ସ୍ଥଳକୁ ଯାଇ ତଦନ୍ତ କରି ସଂପୃକ୍ତ ଜନୈକ ଯୁବକଙ୍କୁ ଗିରଫ କରିଛନ୍ତି ଓ ରାଇରଙ୍ଗପୁର କୋର୍ଟକୁ ଚାଲାଣ କରିଛନ୍ତି ।