ବେହେରା ଡ଼ିହି ପଂଚାୟତ ରେ ନାରୀ ସୁରକ୍ଷା ମିଶନ ତରଫରୁ ଏକ ବୈଠକ

ସୁନ୍ଦରଗଡ଼ ତା:୨୯/୧/୨୦୨୪( ସନ୍ଧାନ ନିଉଜ/ଦୁର୍ଯ୍ୟୋଧନ ଗରଡ଼ିଆ) ଆଜି ବାଲିଶଙ୍କରା ବ୍ଲକ ବେହେରା ଡ଼ିହି ପଂଚାୟତ ରେ ନାରୀ ସୁରକ୍ଷା ମିଶନ ତରଫରୁ ଏକ ବୈଠକ ହୋଇ ଯାଇଛି l ସୁନ୍ଦରଗଡ ଜିଲ୍ଲା ସଂଯୋଜିକା ଶ୍ରୀମତୀ ବାସନ୍ତୀ ଗରଡ଼ିଆ ଙ୍କ ଅଧ୍ୟକ୍ଷତା ରେ ଏହି ବୈଠକ ହୋଇଥିବା ବେଳେ ଏହି ବୈଠକ ରେ ମହିଳା ତଥା କିଶୋରୀ ବାଳିକା ମାନେ ଗୁପ୍ତ ରୋଗରୁ କିପରି ମୁକ୍ତି ପାଇବେ, କିପରି ରୋଜଗାରକ୍ଷମ ହୋଇ ସ୍ୱାବଲମ୍ବୀ ହେବା ସହିତ ନିଜ ତଥା ପରିବାରର ଯତ୍ନ ନେବେ ସେ ବିଷୟରେ ଆଲୋଚନା କରିଥିଲେ l ନାରୀର ବିକାଶ ହେଲେ ଦେଶର ବିକାଶ ହେବା ସହିତ ସୁସ୍ଥ ସମାଜର ଗଠନ ହୋଇପାରିବ ବୋଲି ଶ୍ରୀମତୀ ଗରଡ଼ିଆ କହିଥିଲେ ।ଏଥିପାଇଁ ନାରୀ ସମାଜକୁ ଆଗେଇ ଆସିବାକୁ ଆହ୍ବାନ ଦେଇଥିଲେ । ନାରୀ ସୁରକ୍ଷା ମିଶନ ଜରିଆରେ ଆଜି ନାରୀର ବିକାଶ ଦିଗରେ ବିଶେଷ ଆଲୋକପାତ କରିବା ସହ ନାରୀ ମାନଙ୍କୁ ବିକାଶ ଦିଗରେ ଆଗେଇବାକୁ ଉତ୍ସାହିତ କରିଥିଲେ।