ବାଲିଶଙ୍କରା ବ୍ଲକ ତିଲେଇକାନି ପଞ୍ଚାୟତ ଶିକାଯୋର ଅଞ୍ଚଳରେ ବର୍ଷକ ଭିତରେ ୫୦ ପରିବାରରୁ ଗୋରୁ ଚୋରି

ସୁନ୍ଦରଗଡ ତା:୨୯/୯/୨୦୨୬(ସନ୍ଧାନ ନ୍ୟୁଜ) ଗୋରୁ ଚୋରିର ବଢୁଥିବା ଆତଙ୍କ ଏବଂ ପ୍ରଶାସନର ନୀରବତା ଏକ ଗମ୍ଭୀର ସାମାଜିକ ଓ ସୁରକ୍ଷା ଜନିତ ସମସ୍ୟା ଅଟେ। ସୁନ୍ଦରଗଡ଼ ଜିଲ୍ଲାର ବିଭିନ୍ନ ଅଞ୍ଚଳରେ ପୂର୍ବରୁ ମଧ୍ୟ ସଶସ୍ତ୍ର ଗୋରୁ ଚୋରା ଚାଲାଣ ର଼୍ୟାକେଟ ସକ୍ରିୟ ଥିବା ନେଇ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି, କିନ୍ତୁ ଗ୍ରାମାଞ୍ଚଳରେ ଲଗାତାର ଏଭଳି ଘଟଣା ଘଟିବା ଚାଷୀ ଓ ଗୋପାଳକମାନଙ୍କ ଜୀବିକା ପ୍ରତି ବଡ଼ ବିପଦ ସୃଷ୍ଟି କରୁଛି। ଏହି ଗୋରୁ ଚୋରା ଚାଲାଣ ର଼୍ୟାକେଟ ବାଲି ଶଙ୍କରା ବ୍ଲକ ଟିଲେଇକାନି ପଞ୍ଚାୟତର ସିକାଯୋର୍ ଅଞ୍ଚକ୍ରେ ସକ୍ରିୟ ହେବାରେ ଲାଗିଛନ୍ତି । ସୂଚନା ଅନୁସାରେ ତିଳେଇକାନି ପଞ୍ଚାୟତ ଶିକାଜୋର ବିଭିନ୍ନପଡା ରେ ଏକ ବର୍ଷ ରେ ୫୦ପରିବାର ରେ ଚୋରି ହୋଇଥିବା ଘଟଣା ସାମ୍ନା କୁ ଆସିଛି । ଏଥିପ୍ରତି ବାରମ୍ବାର ଲିଖିତ ଅଭିଯୋଗ ହୋଇଥିଲେ ମଧ୍ୟ ତାର ସୁଫଳ ମିଳି ପାରି ନ ଥିବା ଅଞ୍ଚଳବାସୀ ପ୍ରକାଶ କରିଛନ୍ତି । ଅଞ୍ଚଲରେ ସୁରକ୍ଷା ପ୍ରତି ଧ୍ୟାନ ନ ଦେବା କାରଣରୁ ଏହି ଚୋରି ହେଉଥିବା ବୁଦ୍ଧିଜୀବୀ ମହଲରେ ଚିନ୍ତା ବଢ଼ାଇବାରେ ଲାଗିଛି । ଜଣେ ଗରିବ ଚାଷୀ ଗାଈଗୋରୁ ହରାଇ ନିଶହାୟ ହୋଇ ପଡ଼ିବା ସହିତ ପରିବାରଙ୍କ ପାଇ ଆଗାମୀଦିନରେ ପରିସ୍ଥିତି ଅସମ୍ଭାଳ ହେବାର ଅନୁମାନ କରାଯାଉଥିବା ସୂତ୍ରରୁ ପ୍ରକାଶ। ଅତିଶୀଘ୍ର ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।