ଚନ୍ଦ୍ର ପୃଷ୍ଠକୁ ଯାଇଥିବା ବିଶ୍ୱର ଚତୁର୍ଥ ବ୍ୟକ୍ତି ଆଲେନ ବିନଙ୍କର ପରଲୋକ

ୱାସିଙ୍ଗଟନ/ନୂଆଦିଲ୍ଲୀ, 27/5(ସନ୍ଧାନ ନିୟୁଜ୍) ଦୁଇଥର ଅନ୍ତରୀକ୍ଷ ଯାତ୍ରା କରିଥିବା ନାସାର ଅନ୍ତରୀକ୍ଷ ଯାତ୍ରୀ ଆଲେନ ବିନଙ୍କର ୮୬ ବର୍ଷ ବୟୟରେ ଆମେରିକାର ହ୍ୟୁଷ୍ଟନ ସହରରେ ପରଲୋକ ହୋଇଯାଇଛି। ସେ ୧୯୬୯ ରେ ‘ଆପୋଲୋ ୧୨’ ମିଶନରେ ଭାଗ ନେଇଥିଲେ ଏବଂ ଚନ୍ଦ୍ର ପୃଷ୍ଠକୁ ବିଶ୍ୱର ଚତୁର୍ଥ ବ୍ୟକ୍ତି ଥିଲେ। ଆପୋଲୋ-୧୨ ଅନ୍ତରୀକ୍ଷ ଯାନର ଲୁନାର ମଡ୍ୟୁଲ ପାଇଲଟ ବିନ ସେଠାରେ ୩୧ ଘଣ୍ଟା ବିତାଇଥିଲେ। ଅନ୍ତରୀକ୍ଷରେ ସର୍ବମୋଟ ୬୯ ଦିନ ବିତାଇଥିବା ବିନ ଭବିଷ୍ୟତର ଅନ୍ତରୀକ୍ଷ ଯାତ୍ରିମାନଙ୍କର ପ୍ରସ୍ତୁତି ପାଇଁ ମହତ୍ଵପୂର୍ଣ୍ଣ ଭୂମିକା ନିଭାଇଥିଲେ।