ଯାଜପୁର ୦୫/୧୦/୨୧ (ସନ୍ଧାନ ନିଉଜ) ଅମର ସହୀଦ ବାଜି ରାଉତ ଙ୍କ ଜନ୍ମ ଜୟନ୍ତୀ ପାଳିତ । ଯାଜପୁର ଜିଲ୍ଲାର ଧର୍ମଶାଳା ବ୍ଲକ ଅଧିନସ୍ତ ବୃନ୍ଦାଦେଇପୁର ଶାସନ ର ଐତିହାସିକ ପ୍ରଜାମଣ୍ଡଳ ପଡିଆ ଠାରେ ସହୀଦ ବାଜି ରାଉତ ସ୍ମୃତି ମଣ୍ଡପ ପରିସର ରେ ଅମର ସହୀଦ ବାର ବର୍ଷ ର ବାଳକ ବାଜି ରାଉତ ଙ୍କ ଜନ୍ମ ଜୟନ୍ତୀ ସହୀଦ ବାଜି ରାଉତ ସ୍ମୃତି ସଂସଦ ପକ୍ଷରୁ ପାଳନ କରାଯାଇଛି । ଏହି ଜୟନ୍ତୀ ଅବସରରେ ସ୍ମୃତି ସଂସଦ ର ସଭାପତି ଅଶ୍ୱିନୀ କୁମାର ଶତପଥୀ ଙ୍କ ସଭାପତିତ୍ୱ ରେ ଅନୁଷ୍ଠିତ ସଭା ରେ ସାମାଜିକ କର୍ମୀ ଦେବବ୍ରତ ରାଉତ ମୁଖ୍ୟ ଅତିଥି , ସମ୍ମାନୀୟ ଅତିଥି ଭାବରେ ବରିଷ୍ଠ ନାଗରିକ ହୃଷିକେଶ ଶତପଥୀ , ବାଜି ରାଉତ ପାଠାଗାର ର ସଭାପତି ଶରତ ବାରିକ ଓ ଚୈତନ୍ୟ ମହାରଣା ପ୍ରମୂଖ ଯୋଗ ଦେଇ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରି ଅମର ସହୀଦ ଙ୍କୁ ସ୍ମରଣ କରିଥିଲେ । ଏହି ଜୟନ୍ତୀ ଉପଲକ୍ଷେ ବାଜି ରାଉତ ସ୍ମୃତି ସଂସଦ ର ସମ୍ପାଦକ ସିଦାର୍ଥ ମହାନ୍ତି , ରମାକାନ୍ତ ଶତପଥୀ, ଶ୍ରୀକାନ୍ତ ପଣ୍ଡା, ନୀଳମଣି ଭୁତିଆ ଓ କିଶୋର କୁମାର ଦାସ ପ୍ରମୁଖ ସହୀଦ ବାଜି ରାଉତଙ୍କ ପ୍ରତିମୂର୍ତ୍ତି ରେ ପୁଷ୍ପମାଲ୍ୟ ପ୍ରଦାନ କରିବା ସହିତ , ସହୀଦ ବାଜି ରାଉତ ଙ୍କ ବଳିଦାନ ସମ୍ପର୍କରେ ଆଲୋକପାତ କରିଥିଲେ ।
