ଶ୍ରୀ ଜଗନ୍ନାଥ ସହସ୍ରନାମସ୍ତୋତ୍ରମ୍ ପୁସ୍ତକ ଉନ୍ମୋଚିତ

ବାରିପଦା , ୨୯/୦୭/୨୦୨୦ (ସନ୍ଧାନ ନିଉଜ) : ଭଦ୍ରକ ଜିଲ୍ଲା ତିହିଡି ମାଟିର ସୁଯୋଗ୍ୟ ସନ୍ତାନ ତଥା ଏକାଧାରାରେ ସାହିତ୍ୟ ପ୍ରାଣ, ବରିଷ୍ଠ ସମ୍ବାଦିକ ଶ୍ରୀ ଲିଙ୍ଗରାଜ ପଣ୍ଡାଙ୍କର ସାରସ୍ୱତ ସାଧନା କ୍ଷେତ୍ରରେ ରାଜ୍ୟ ଓ ରାଜ୍ୟ ବାହାରେ ବେଶ୍ ସୁଖ୍ୟାତି ରହିଛି । ଶ୍ରୀ ପଣ୍ଡା ଜଣେ ସୁବକ୍ତା, ସୁସାହିତ୍ୟିକ, ସାହିତ୍ୟ ପ୍ରାଣ ଭାବେ ବିଭିନ୍ନ ମହଲରେ ବେଶ୍ ପରିଚିତ । ତାଙ୍କ ଦ୍ୱାରା ସଂକଳନ ହୋଇଥିବା ଶ୍ରୀ ଜଗନ୍ନାଥ ସହସ୍ରନାମସ୍ତୋତ୍ରମ୍‌ଟି ଆଜି କର୍କଟ ୧୪ ଦିନ ଦଶମୀ ଜୁଲାଇ ୨୯ ତାରିଖ ବୁଧବାର ଝୁଲଣା ଯାତ୍ରା ଦିନ ଶ୍ରୀ ଶ୍ରୀ ପିତାମ୍ବର ବାବ ଆଶ୍ରମ, ଶ୍ରୀ କୃଷ୍ଣପୁର , ରେମୁଣା ବାଲେଶ୍ୱର ଠାରେ ଓଡିଶା ସାହିତ୍ୟ ଏକାଡେମୀର ସଦସ୍ୟ କବି କାଳିପଦ ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେବା ସଙ୍ଗେ ସଙ୍ଗେ ତାଙ୍କ କରକମଳରେ ବହିଟିର ଉନ୍ମୋଚନ କରିଛନ୍ତି । ଏଥିରେ ଉକ୍ତ ମଠର ମହନ୍ତ, ସଂସ୍କୃତ ଅଧ୍ୟାପକ ଶ୍ରୀଯୁକ୍ତ ମିଶ୍ର ମହୋଦୟ, ସାମ୍ବାଦିକ ବନ୍ଧୁ ଶ୍ରୀଯୁକ୍ତ ପୀରବାବୁ, ଶୁକଦେବ ଗିରି, ରଣଜିତ୍ କୁମାର ଦାସ, ବିଶ୍ୱଜିତ ପଣ୍ଡା, ଲିଟୁ କୁମାର ମୁଦୁଲି ଆଦି ଉପସ୍ଥିତ ଥିଲେ । ଏହି ବହିଟି ଉନ୍ମୋଚନ ହେବା ପରେ ଶ୍ରୀ ଲିଙ୍ଗରାଜ ପଣ୍ଡାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି ।