ଭୁବନେଶ୍ୱର 27/7(ସନ୍ଧାନ ନିୟୁଜ) : ଭୁବନେଶ୍ୱରରୁ ଗୁଜୁରାଟର ଅହମ୍ମଦାବାଦକୁ ଆସନ୍ତା ସେପ୍ଟେମ୍ବର ୨ତାରିଖରୁ ବିମାନ ସେବା ଆରମ୍ଭ ହେବ। ଇଣ୍ଡିଗୋ ଏହି ରୁଟ୍ରେ ପ୍ରଥମ କରି ବିମାନ ସେବା ଆରମ୍ଭ କରିବାକୁ ଯାଉଛି। ମିଳିଥିବା ସୂଚନା ଅନୁଯାୟୀ, ବିମାନ ୬ଇ-୯୫୩ ସକାଳ ୮ଟା ୫୫ରେ ଅହମ୍ମଦାବାଦରୁ ଭୁବନେଶ୍ୱର ଅଭିମୁଖେ ବାହାରି ଭୁବନେଶ୍ୱରରେ ପୂର୍ବାହ୍ନ ୧୧ଟା ୨୦ରେ ପହଞ୍ଚିବ। ସେହିପରି ଭୁବନେଶ୍ୱରରୁ ବିମାନ ୬ଇ-୯୫୪ ପୂର୍ବାହ୍ନ ୧୧ଟା ୫୦ରେ ଅହମ୍ମଦାବାଦ ଅଭିମୁଖେ ଉଡ଼ାଣ କରି ସେଠାରେ ଅପରାହ୍ନ ୨ଟା ୧୦ରେ ପହଞ୍ଚିବ।
ଇଣ୍ଡିଗୋ ଏହାସହ ଭୁବନେଶ୍ୱରରୁ ଆଉ ଏକ ବିମାନ ହାଇଦ୍ରାବାଦକୁ ଉଡ଼ାଣ କରିବ। ସେପ୍ଟେମ୍ବର ୧ରୁ ବିମାନ ୬ଇ-୬୫୨ ହାଇଦ୍ରାବାଦରୁ ପୂର୍ବାହ୍ନ ୧୦ଟା ୫୫ରେ ଉଡ଼ାଣ ଆରମ୍ଭ କରି ଅପରାହ୍ନ ୧୨ଟା ୩୦ରେ ଭୁବନେଶ୍ୱରରେ ପହଞ୍ଚିବ। ଏଠାରୁ ବିମାନ ୬ଇ-୬୫୭ ଅପରାହ୍ନ ୧ଟାରେ ଉଡ଼ାଣ ଆରମ୍ଭ କରି ଅପରାହ୍ନ ୨ଟା ୩୫ରେ ହାଇଦ୍ରାବାଦରେ ପହଞ୍ଚିବ।
