ଭଦ୍ରକ /୧୩ /୧୧/ସନ୍ଧାନ ନିଉଜ୍/ଭଦ୍ରକ ଜିଲ୍ଲା ଚଢ଼େୟା ଠାରେ ଡକାୟତି ଉଦ୍ୟମ କରୁଥିବାବେଳେ ଏନକାଉଣ୍ଟର କରିଛି ଗ୍ରାମାଞ୍ଚଳ ପୋଲିସ । ପୋଲିସର ଗୁଳି ମାଡ଼ରେ ଦୁର୍ଦ୍ଦାନ୍ତ ଅପରାଧୀ ବାପି ପାଣି ଆହତ ହୋଇଥିବା ସୂଚନା ରହିଛି । ପୋଲିସର ଗୁଳି ସିଧାସଳଖ ବାପିର ଗୋଡ଼ରେ ବାଜିଥିଲା । ଫଳରେ ବାପିକୁପ କାବୁ କରିବାରେ ସଫଳ ହୋଇଛି ଭଦ୍ରକ ଗ୍ରାମାଞ୍ଚଳ ପୋଲିସ ।
ଡକାୟତି ପାଇଁ ସୁଚିନ୍ତିତ ଷଡ଼ଯନ୍ତ୍ର ରଚିଥିଲେ ବାପି ଓ ତା ଗ୍ୟାଙ୍ଗ । ଫଳରେ ସୂଚନା ପାଇ ପୋଲିସ ଏନକାଉଣ୍ଟର କରିଥିଲା । ଡକାୟତମାନେ ମଧ୍ୟ ପାଲଟା ଗୁଳି ଚଳାଇଥିବା ଜଣା ପଡ଼ିଛି । ଏଥିରେ ଗ୍ରାମାଞ୍ଚଳ ଥାନାଧିକାରୀଙ୍କ ସମେତ ତିନି ପୋଲିସ କର୍ମଚାରୀ ମଧ୍ୟ ଆହତ ହୋଇଛନ୍ତି । ସେପଟେ ଆହତ ହୋଇଥିବା ବାପିକୁ ଭଦ୍ରକ ଜିଲ୍ଲା ମୁଖ୍ଯ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ ମେଡିକାଲ କୁ ସ୍ଥାନାନ୍ତରିତ କରାଜାଇଛି।
