ବଡଚଣା ବିଜେଡ଼ିର ଦଳୀୟ କାର୍ଯ୍ୟକ୍ରମରେ ଅଙ୍ଗନବାଡି କର୍ମୀ 

ବଡଚଣା,୩/୧୦(ସନ୍ଧାନ ନିୟୁଜ) ଗତ ୩୦ ତାରିଖରେ ବେଣାପୁରଠାରେ ଅନୁଷ୍ଠିତ ମହିଳା ସମାବେଶରେ କୁନ୍ଦଳ ପଞ୍ଚାୟତ ଅନ୍ତର୍ଗତ ଗରଗାଲି ଗ୍ରାମର ଅଙ୍ଗନବାଡି କର୍ମୀ କବିତା କୁଅଁର ବାବୁ ଓ ସଇକା ଗ୍ରାମର ଅଙ୍ଗନବାଡି କର୍ମୀ ମଞ୍ଜୁଲତା ନାୟକ ଯୋଗଦେଇ ଥିବା ବେଳେ ଦ୍ବିତୀୟ ଫଟୋରେ ଗତକାଲି ବୈରୀଠାରେ ଅନୁଷ୍ଠିତ ଜନସଂପର୍କ ଅଭିଯାନ ପଦଯାତ୍ରା କାର୍ଯ୍ୟକ୍ରମରେ ପାରିଆ ପଞ୍ଚାୟତ ଅନ୍ତର୍ଗତ ଅମୀୟଝରୀ ଗ୍ରାମର ଅଙ୍ଗନବାଡି କର୍ମୀ ଜ୍ୟୋତିର୍ମୟୀ ବିଶ୍ବାଳ ଓ ବୈରୀ ପଞ୍ଚାୟତ ଅନ୍ତର୍ଗତ ଝାଟିଆ ଗ୍ରାମର ଅଙ୍ଗନବାଡି କର୍ମୀ ଦମୟନ୍ତୀ ସ୍ୱାଇଁ ଯୋଗ ଦେଇଥିବା ଦେଖାଯାଇ ଥିଲା | ସେମାନଙ୍କୁ କୁଆଡେ ଅଙ୍ଗନବାଡି ସୁପର ଭାଇଜର କରାଇ ଦେବାର ପ୍ରତିଶ୍ରୁତି ଦିଆଯାଇ ଦଳୀୟ କାର୍ଯ୍ୟକ୍ରମ ସବୁରେ ସାମିଲ ହେବାକୁ କୁହାଯାଇଥିବା ଆଲୋଚନା ହେଉଛି | ଦଳୀୟ କାର୍ଯ୍ୟକ୍ରମମାନଙ୍କରେ ଖୋଦ୍ ବିଧାୟକଙ୍କ ସମ୍ମୁଖରେ ଓ ସାଥିରେ ରହୁଥିବା ଏହି ଅଙ୍ଗନବାଡି କର୍ମୀମାନଙ୍କୁ ଏଥିରୁ ନିବୃତ ହେବାକୁ ପରାମର୍ଶ ନ ଦେବା ଘଟଣା କ’ଣ ତାଙ୍କ ସ୍ବଚ୍ଛତା ପ୍ରତି ଅଙ୍ଗୁଳି ନିର୍ଦ୍ଦେଶ କରୁଛି ବୋଲି ବୁଦ୍ଧିଜୀବି ମହଲରେ ମତ ପ୍ରକାଶ ପାଇଛି !