ଚଣ୍ଡିଖୋଲ,୧୪/୯(ସନ୍ଧାନ ନିୟୁଜ/ମାନସ ରାଉତ) ବଡଚଣା ଥାନା ଧାନମଣ୍ଡଳ ଫାଣ୍ଡି ଅଧିନସ୍ଥ ମହାବିନାୟକ ପୀଠରୁ ଗୁରୁବାର ଦୁଇ ମହିଳା ଯାତ୍ରୀଙ୍କ ଠାରୁ ଛିନତାଇ ଅଭିଯୋଗରେ ବଡଚଣା ପୁଲିସ ଦୁଇ ଜଣକୁ ଗିରଫ କରି କୋର୍ଟଚାଲାଣ କରିଛି । ଗୁରୁବାର କୁଆଖିଆ ଥାନା ଅଂଚଳର କିଛି ମହିଳା ମହାବିନାୟକ ପୀଠକୁ ଆସିଥିଲେ । ଦର୍ଶନ ସାରି ଫେରୁଥିବା ସମୟରେ ସ୍ଥାନୀୟ ଅଞ୍ଚଳର ଦୁଇ ଯୁବକ ସାଗର ବେହେରା ଓ ସୁନିଲ ବେହେରା ମହିଳାଙ୍କ ଠାରୁ ଭ୍ୟାନିଟ ବ୍ୟାଗ ଛଡାଇ ନେଇ ପଳାଇ ଯାଉଥିବା ବେଳେ ଉପସ୍ଥିତ ପୁଲିସ କାବୁ କରିନେଇଥିଲେ । ଏ ନେଇ ଧାନମଣ୍ଡଳ ଫାଣ୍ଡି ଅଧିକାରୀ ଅଜୟ କୁମାର ମହାନ୍ତି କେସ ନମ୍ବର ୨୦୬/୧୮ରେ ଏକ ମାମଲା ରୁଜୁକରି ଅଭିଯୁକ୍ତ ଦ୍ୱୟଙ୍କୁ କୋର୍ଟଚାଲାଣ କରିଛନ୍ତି ।