ପଦୋନ୍ନତି ପରେ ବଦଳିଲେ ୨୨ ଏଏସ୍‌ପି

କଟକ ଅଫିସ,  ୩୧/୦୭(ସନ୍ଧାନ ନିଉଜ):-  ରାଜ୍ୟ ଗୃହ ବିଭାଗ ସୋମବାର ୨୨ଜଣ ଡିଏସ୍‌ପିଙ୍କୁ ଅତିରିକ୍ତ ଏସ୍‌ପି ର଼୍ୟାଙ୍କ୍‌କୁ ପଦୋନ୍ନତି ଦେଇଛି। ପଦୋନ୍ନତି ପରେ ଏହି ୨୨ଜଣ ଏଏସ୍‌ପିଙ୍କୁ ବଦଳି କରାଯାଇଛି। ରାଜ୍ୟ ପୋଲିସ ଏଷ୍ଟାବ୍ଲିସ୍‌ମେଣ୍ଟ ବୋର୍ଡ଼ର ଅନୁମୋଦନ ପରେ ବୁଧବାର ଏନେଇ ରାଜ୍ୟ ପୋଲିସ ମୁଖ୍ୟାଳୟ ବିଜ୍ଞପ୍ତି ପ୍ରକାଶ କରିଛି। ନୟାଗଡ଼ ଡିଆଇବି ଡିଏସ୍‌ପି ସୁବାସ ଚନ୍ଦ୍ର ମହାନ୍ତିଙ୍କୁ କମିଶନରେଟ୍‌ ପୋଲିସ୍‌ର ଏଡିଏସ୍‌ପି, ଭିଜିଲାନ୍ସ ଡିଏସ୍‌ପି ପ୍ରକାଶ ନାୟକଙ୍କୁ ଭିଜିଲାନ୍ସ ଏଏସ୍‌ପି, ଚମ୍ପୁଆ ଏସ୍‌ଡିପିଓ ହରିହର ପାଣିଙ୍କୁ କେନ୍ଦୁଝର ଏଏସ୍‌ପି, ଗଜପତି ଜିଲା ଆର୍‌. ଉଦୟଗିରି ଏସ୍‌ଡିପିଓ ଅଶୋକ ମହାନ୍ତିଙ୍କୁ ଗଞ୍ଜାମ ଆଇୟୁସିଏଡବ୍ଲ୍ୟୁ ଏଏସ୍‌ପି, କଟକ ଜିଲା ବାଙ୍କୀ ଏସ୍‌ଡିପିଓ ପ୍ରସନ୍ନ ବିଶ୍ୱାଳଙ୍କୁ ଅନୁଗୋଳ ଏଏସ୍‌ପି ଭାବେ ବଦଳି କରାଯାଇଛି। ସେହିପରି ସାଲେପୁର ଏସ୍‌ଡିପିଓ ନିମାଇ ଚରଣ ସେଠୀଙ୍କୁ ପାରାଦୀପ ଏଏସ୍‌ପି, ଧାମନଗର ଏସ୍‌ଡିପିଓ ମନୋରଞ୍ଜନ ସାମଲଙ୍କୁ ବାଲେଶ୍ୱର ଏଏସ୍‌ପି, ଭୁବନେଶ୍ୱର ଏସ୍‌ଏଫ୍‌ଏସ୍‌ଏଲ୍‌ର ଡିଏସ୍‌ପି ଗଦାଧର ମହାପାତ୍ରଙ୍କୁ କଟକ ଗ୍ରାମାଞ୍ଚଳ ଏଏସ୍‌ପି, ରାଜ୍ୟ ମାନବ ଅଧିକାର କମିଶନ ଡିଏସ୍‌ପି କିଶୋର ଚନ୍ଦ୍ର ପାଟ୍ଟଶାଣୀଙ୍କୁ କମିଶନରେଟ୍‌ ପୋଲିସର ଅତିରିକ୍ତ ଡିସିପି, ଭଦ୍ରକ ଆଇୟୁସିଏଡବ୍ଲ୍ୟୁ ଡିଏସ୍‌ପି ଅମରେଶ ପାଣିଗ୍ରାହୀଙ୍କୁ ବାଲେଶ୍ୱର ଏଏସ୍‌ପି, ଜି. ଉଦୟଗିରି ଏସ୍‌ଡିପିଓ ଜୟକୃଷ୍ଣ ବେହେରାଙ୍କୁ ନବରଙ୍ଗପୁର ଏଏସ୍‌ପି ଭାବେ ବଦଳି ହୋଇଛି। କଟକ ଡିଏସ୍‌ପି ବାଉରୀବନ୍ଧୁ ବେହେରାଙ୍କୁ ଯାଜପୁର ଆଇୟୁସିଏଡବ୍ଲ୍ୟୁ ଏଏସ୍‌ପି, ଯାଜପୁର ଡିଏସ୍‌ପି ବିଜୟ ମଲ୍ଲିକଙ୍କୁ ଭଞ୍ଜନଗର ଏଏସ୍‌ପି ଭାବେ ଅବସ୍ଥାପିତ କରାଯାଇଛି। ସେହିଭଳି ସିଆଇଡି ସିବି ଡିଏସ୍‌ପି ରାମଚନ୍ଦ୍ର ଥମ୍ବଙ୍କୁ ସିଆଇଡି ସିବିର ଏଏସ୍‌ପି, ଝାରସୁଗୁଡ଼ା ଡିଏସ୍‌ପି ଉଗ୍ରସେନ ପ୍ରଧାନଙ୍କୁ ସମ୍ବଲପୁର ଏଏସ୍‌ପି ଭାବେ ପଠାଯାଇଛି। ସେହିପରି ଭିଜିଲାନ୍ସ ଡିଏସ୍‌ପି ଅକ୍ଷୟ ମିଶ୍ରଙ୍କୁ ଭିଜିଲାନ୍ସ ଏଏସ୍‌ପି, ଭିଜିଲାନ୍ସ ଡିଏସ୍‌ପି ବେଣୁଧର ନାୟକଙ୍କୁ ଭିଜିଲାନ୍ସ ଡିଏସ୍‌ପି, ଗୁଇନ୍ଦା ଡିଏସ୍‌ପି ଉମାକାନ୍ତ ମଲ୍ଲିକଙ୍କୁ ନୟାଗଡ଼ ଏଏସ୍‌ପି, ରାଉରକେଲା ଡିଏସ୍‌ପି ମୋହନ ପାଣି କରୁଆଙ୍କୁ ରାଉରକେଲା ଏଏସ୍‌ପି, ଭିଜିଲାନ୍ସ ଡିଏସ୍‌ପି ବନମାଳୀ ଧଳଙ୍କୁ ଭିଜିଲାନ୍ସ ଏଏସ୍‌ପି, ଭୁବନେଶ୍ୱର ସ୍ପେଶାଲ ବ୍ରାଞ୍ଚ୍‌ର ଡିଏସ୍‌ପି ଅଙ୍କୁର ମଲ୍ଲିକଙ୍କୁ ମୟୂରଭଞ୍ଜ ଆଇୟୁସିଏଡବ୍ଲ୍ୟୁ ଏଏସ୍‌ପି, ଝାରସୁଗୁଡ଼ା ଆଇୟୁସିଡବ୍ଲ୍ୟୁ ଡିଏସ୍‌ପି କେଶବ ଚନ୍ଦ୍ର ବେହେରାଙ୍କୁ ସେହି ସ୍ଥାନରେ ପଦୋନ୍ନତି ପରେ ଏଏସ୍‌ପି ଭାବେ ଅବସ୍ଥାପିତ କରାଯାଇଛି।

ସେହିଭଳି ଆଉ ୨ଜଣ ବରିଷ୍ଠ ପୋଲିସ ଅଧିକାରୀଙ୍କୁ ମଧ୍ୟ ବଦଳି କରାଯାଇଛି। କଟକ ପୋଲିସ ଯୋଗାଯୋଗ ବିଭାଗର ଅତିରିକ୍ତ ଡିସିପି ଏ.ଏନ୍‌. ମହାନ୍ତିଙ୍କୁ ରାୟଗଡ଼ା ଏଏସ୍‌ପି, ଯାଜପୁର ଆଇୟୁସିଏଡବ୍ଲ୍ୟୁ ଏଏସ୍‌ପି ଜୟରାମ ଶତପଥୀଙ୍କୁ କଳିଙ୍ଗନଗର ଏଏସ୍‌ପି ଭାବେ ବଦଳି କରାଯାଇଛି। ଭଞ୍ଜନଗର ଏଏସ୍‌ପି ସନ୍ତୋଷ ଦାସ ବର୍ତ୍ତମାନ କମିଶନରେଟ୍‌ ପୋଲିସରେ ଅତିରିକ୍ତ ଡିସିପି ଭାବେ ଡେପୁଟେସନ୍‌ରେ ଥିଲେ। ତାଙ୍କୁ ସେହି ସ୍ଥାନରେ ସ୍ଥାୟୀ ନିଯୁକ୍ତି ଦିଆଯାଇଛି। ସେହିଭଳି କଟକ ସ୍ପେଶାଲ୍‌ ବ୍ରାଞ୍ଚର ଏଏସ୍‌ପି ସୁବଳ ଚନ୍ଦ୍ର କରଙ୍କୁ ସ୍ପେସାଲ୍‌ ବ୍ରାଞ୍ଚର ଏଏସ୍‌ପି ଭାବେ ନିଯୁକ୍ତି ଦିଆଯାଇଛି।

Related Posts

About The Author

Add Comment