ନାଲ୍କୋକୁ କଳିଙ୍ଗ ସିଏସ୍ଆର୍ ପୁରସ୍କାର

ଭୁବନେଶ୍ୱର, ୧୨/୦୬ (ସନ୍ଧାନ ନିୟୁଜ)- ନବରତ୍ନ ଉଦ୍ୟୋଗ ନାଲ୍କୋକୁ କଳିଙ୍ଗ ସିଏସ୍ଆର୍ ପୁରସ୍କାର-୨୦୧୬ ମିଳିଛି । ନିରନ୍ତର ଓ ସାମଗ୍ରିକ ବିକାଶ ଦିଗରେ କମ୍ପାନୀର ପଦକ୍ଷେପକୁ ସ୍ୱିକୃତୀ ଭାବେ ଏହି ପୁରସ୍କାର ମିଳିଛି । ଜୁନ୍ ୯ ତାରିଖରେ ଭୁବନେଶ୍ୱର ଠାରେ ଆୟୋଜିତ କର୍ପୋରେଟ୍ ସାମାଜିକ ଦାୟିତ୍ୱବୋଧ ପଦକ୍ଷେପ-୨୦୧୮ ଜାତୀୟ ଆଲୋଚନାଚକ୍ର ଅବସରରେ, ନାଲ୍କୋକୁ ଏହି ପୁରସ୍କାର ପ୍ରଦାନ କରାଯାଇଥିଲା । ଓଡ଼ିଶା ସରକାରଙ୍କ ଏମ୍ଏସ୍ଏମ୍ଇ, ଏସ୍ଏସ୍ଇପିଡି ଏବଂ ମହିଳା ଓ ଶିଶୁବିକାଶ ବିଭାଗର ମାନ୍ୟବର ମନ୍ତ୍ରୀ ଶ୍ରୀ ପ୍ରଫୁଲ୍ଲ ସାମଲ ଏହି ପୁରସ୍କାର ପ୍ରଦାନ କରିଥିଲେ । ଏହି ଅବସରରେ, ନାଲ୍କୋର ଅଧ୍ୟକ୍ଷ ଡଃ ତପନ କୁମାର ଚାନ୍ଦ ଉପସ୍ଥିତ ଥିଲେ । ନାଲ୍କୋ ପକ୍ଷରୁ ଉପମହାପ୍ରବନ୍ଧକ (ପ୍ରଶାସନ ଓ ସିଏସ୍ଆର୍) ଶ୍ରୀ ଏସ୍.କେ. ବେହେରା ଏବଂ ବରିଷ୍ଠ ପ୍ରବନ୍ଧକ (ସିଏସ୍ଆର୍) ଶ୍ରୀ ସି.ଆର୍. ବିଶୋଇ ଏହି ପୁରସ୍କାର ଗ୍ରହଣ କରିଥିଲେ ।