ଓଡ଼ିଶାର ସରକାରୀ ମହାବିଦ୍ୟାଳୟ କାର୍ଯ୍ୟରତ ଅଧ୍ୟାପକ ଅଧ୍ୟାପିକାଙ୍କୁ ବଦଳି ଦାବି, ପାଠପଢ଼ି ଶିକ୍ଷିତ ଯୁବକ ଯୁବତୀ ପକେଟ ମାର କରିବେ

ଦୀର୍ଘଦିନ ଧରି ବଦଳୀ ହୋଇନି,
ଲକ୍ଷାଧିକ ବେତନ ନେଇବି ପାଠ୍ୟକ୍ରମରେ ଢ଼ିଲା ମାରୁଛନ୍ତି
ବଢ଼ୁଛି ଦୂର୍ନିତି

ଭୁବନେଶ୍ୱର, ୧/୧୧/୨୦୨୫ (ସନ୍ଧାନ ନ୍ୟୁଜ) ଓଡ଼ିଶାର ବିଭିନ୍ନ ସରକାରୀ ମହାବିଦ୍ୟାଳୟ, ସରକାରୀ ସ୍ୱୟଂଶାସିତ ମହାବିଦ୍ୟାଳୟ, ମଡେଲ ଡିଗ୍ରି କଲେଜ ଓ ସରକାରୀ ମହିଳା ମହାବିଦ୍ୟାଳୟଗୁଡ଼ିକରେ ଦୀର୍ଘଦିନ ଅଧ୍ୟାପକ ଅଧ୍ୟାପିକା ଏବଂ ଅନ୍ୟାନ କର୍ମଚାରୀ ମାନଙ୍କର ବଦଳୀି ହୋଇନାହିଁ । ଫଳରେ ବିଭିନ୍ନ କଲେଜରେ ପାଠକ୍ରମରେ ବାଧା ହେବା ସହିତ ଦୁର୍ନିତି ବଢ଼ିବାରେ ଲାଗିଛି । କେହି କେହି ୧୦ ବର୍ଷରୁ ଅଧିକ ସମୟ ହେଲା ସେହି ଏକେ ମହାବିଦ୍ୟାଳୟରେ ଅଧ୍ୟାପକ ଓ ଅଧ୍ୟାପିକାମାନେ କାର୍ଯ୍ୟରତ ଅଛନ୍ତି । ଅନ୍ୟପଟରେ ଏକେ ଅତିଥି ଅଧ୍ୟାପକ ଅବସର ପ୍ରାପ୍ତ ବ୍ୟକ୍ତିମାନଙ୍କ ନେଇ କଲେଜ କାର୍ଯ୍ୟକାରୀ ହେବାକୁ ସରକାରୀ ପତ୍ର ଲେଖିଛନ୍ତି । ଫଳରେ ଅନେକ ଉଚ୍ଚଶିକ୍ଷିତ ଡିଗ୍ରୀଧାରୀ ଚାକିରୀ ନପାଇ ହତାଶ ହୋଇଛି । ଏହା ନେଇ ବିଭିନ୍ନ ଶିକ୍ଷକ, ଛାତ୍ର ଓ ସ୍ଥାନୀୟ ମନ୍ଦଳୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଇଛି । ଏପରକି ଉଚ୍ଚନ୍ୟିାଳୟ ମଧ୍ୟ ସରକାରୀ କଡା ଭାଷରେ ନିନ୍ଧା କରିଛି । ତେବେ ଏଭଳି ସ୍ଥିତ ହେଲେ ବିଜେପି ସରକାର ପ୍ରତି ବିପଦ ଆସିବା ସହିତ ପରବର୍ତ୍ତୀୀ ସମୟରେ ଭୋଟ ହାର ମଧ୍ୟ କମିବାକୁ ନେଇ ଆଶଙ୍କା ସୃଷ୍ଟି ହୋଇଛି ।

ସୂଚନା ଥାଉକି ଫୁଲବାଣୀ ସରକାରୀ ସ୍ୱୟଂଶାସିତ ମହାବିଦ୍ୟାଳୟ ଓ ଏସ.ଏମ. ସରକାରୀ ମହିଳା ମହାବିଦ୍ୟାଳୟ, ଫୁଲବାଣୀରେ ଏହି ସମସ୍ୟା ଅଧିକ ଗୁରୁତର ରୂପ ନେଇଛି । ସେଠାରେ ଅନେକ ଅଧ୍ୟାପକ ୧୯୯୯ ମସିହାରୁ +୨ ଶିକ୍ଷାରେ ଯୋଗଦେଇ, ପରେ +୩ ଶିକ୍ଷାରେ ପ୍ରମୋସନ ହୋଇ, ସେହି ମହାବିଦ୍ୟାଳୟରେ ଦୀର୍ଘଦିନ ଧରି କାର୍ଯ୍ୟରତ ଅଛନ୍ତି । ଏହା ଫଳରେ ସେମାନଙ୍କ ମଧ୍ୟରୁ କିଛିଙ୍କ ମଧ୍ୟରେ ସ୍ୱେଚ୍ଛାଚାରିତା ଓ ଦୁର୍ନୀତି ବୃଦ୍ଧି ପାଇଛି ବୋଲି ଅଭିଯୋଗ ହୋଇଛି । ସ୍ଥାନୀୟ ମଣିଷ ଓ ଶିକ୍ଷାପ୍ରିୟ ବ୍ୟକ୍ତିମାନେ କହୁଛନ୍ତି ଯେ, ଦୀର୍ଘଦିନ ଏକେ ସ୍ଥାନରେ ରହିବା ଫଳରେ କାର୍ଯ୍ୟକ୍ଷମତା କମିଯାଉଛି ଓ ନବଚେତନାର ଅଭାବ ଦେଖାଯାଉଛି । ଅନ୍ୟପଟେ ଅନେକ ଯୁବ ଅଧ୍ୟାପକ ଅଧ୍ୟାପିକା ଦୀର୍ଘଦିନ ଧରି ପର୍ବତ, ଅନୁକୂଳ ଓ ଦୁର୍ଗମ ଅଂଚଳରେ କାର୍ଯ୍ୟ କରୁଥିଲେ ସେମାନେ ମଧ୍ୟ ସ୍ଥାନାନ୍ତର ଅପେକ୍ଷାରେ ରହିଛନ୍ତି । ଅନେକ ଶିକ୍ଷକ ସଂଘ ଓ ସ୍ଥାନୀୟ ନାଗରିକମାନେ ଉଚ୍ଚ ଶିକ୍ଷା ବିଭାଗକୁ ବିଦ୍ୟୁତ ଠିକଣା ଓ ଲିଖିତ ଦରଖାସ୍ତ ଦେଇ ଏହି ମାମଲାରେ ପଦକ୍ଷେପ ନେବାକୁ ଅନୁରୋଧ କରିଛନ୍ତି । କିନ୍ତୁ ଏପର୍ଯ୍ୟନ୍ତ ଏହାର କୌଣସି ସୁଫଳ ଦେଖାଯାଇନାହିଁ । ସେମାନଙ୍କ ଦାବି, ଉଚ୍ଚ ଶିକ୍ଷା ବିଭାଗ ଦ୍ୱାରା ନିୟମିତ ଭାବେ ସମସ୍ତ ସରକାରୀ ମହାବିଦ୍ୟାଳୟରେ ବଦଳି ପ୍ରଣାଳୀ ଆରମ୍ଭ କରାଯିବା ଉଚିତ, ଯାହା ଫଳରେ ଶିକ୍ଷା ରେ ନୂତନ ଉତ୍ସାହ ଆସିବ ଓ ଦୁର୍ନୀତି ଓ ସ୍ୱେଚ୍ଛାଚାରିତା ହ୍ରାସ ପାଇବ । ଏହି ଅଭିଯୋଗ ମାଧ୍ୟମରେ ସ୍ପଷ୍ଟ ଯେ, ରାଜ୍ୟର ଉଚ୍ଚ ଶିକ୍ଷା ବ୍ୟବସ୍ଥାରେ ପାରଦର୍ଶିତା ଓ ସମନ୍ତା ନିଶ୍ଚିତ କରିବା ପାଇଁ ଏକ ସୁସ୍ଥ ବଦଳି ପ୍ରକ୍ରିୟା ଅତ୍ୟାବଶ୍ୟକ ହୋଇପଡ଼ିଛି ।