ହୁକାବାରରେ ଚଢଉ ଆପତିଜନକ ସାମଗ୍ରୀ ଜବତ

ରାଉରକେଲା ୩/୯ (ସନ୍ଧାନ ନିୟୁଜ/ସୁବୋଧ ନାୟକ) : ରାଉରକେଲା ପୋଲିସ ଜିଲ୍ଳା ଅଞ୍ଚଳର ସେକ୍ଟର-୩ ଥାନା ଅଧିନରେ ଥିବା ଏନଆଇଟି ବେକ ପୋଷ୍ଟରେ ଥିବା ମାର୍କେଟ ଅଞ୍ଚଳରେ ଏକ ବେଆଇନ ହୁକାବାରରେ ପୋଲିସର ବିଶେଷଜ୍ଞଦଳ ଚଢଉ କରିଥିଲେ । ଚଢଉରେ ପୋଲିସକୁ ହୁକା ପିଇବା ପାଇଁ ଉଦ୍ଦିଷ୍ଟ ଥିବା ବିଭିନ୍ନ ସାମଗ୍ରୀମାନ ମଧ୍ୟ ଜବତ କରାଯାଇଥିଲା ।ଏଥିମଧ୍ୟରେ ହୁକା ,ମଦ,ନିକୋଟିନ, ନିଶା ବଟିକା ପ୍ରଭୃତି ସାମିଲ ରହିଛି । ହୁକା ବାରରେ ଜଣଙ୍କୁ ମଧ୍ୟ ଅଟକାଇ ରଖାଯାଇଛି । ତେବେ ବଡ ଆଶ୍ଚର୍ଯ୍ୟର ବିଷୟ କି ଯେ, ସିଟି ଡିଏସପିଙ୍କ ନେତୃତ୍ୱରେ ଏହି ଚଢଉ ହୋଇଥିବାବେଳେ ସ୍ଥାନୀୟ ଥାନା ଚଢଉର ଘଟଣାକୁ ଅସ୍ୱୀକାର କରିବା ପୋଲିସ ମଧ୍ୟରେ ସମନ୍ୱୟର ଅଭାବ ଥିବା ଜଣାପଡିବା ସହ ସ୍ୱଚ୍ଛତାକୁ ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି ।