ହୀରାକୁଦ ବନ୍ୟ ପ୍ରାଣୀ ମଣ୍ଡଳ ପକ୍ଷରୁ ଏକ “ଷ୍ଟୋରି ଟେଲିଂ” କାର୍ଯ୍ୟକ୍ରମ ଅନୁଷ୍ଠିତ

କଟକ : ଷ୍ଟୋରି ଟେଲିଂ ନାମକ ଏକ କାର୍ଯ୍ୟକ୍ରମ ହୀରାକୁଦ ବନ୍ୟ ପ୍ରାଣୀ ମଣ୍ଡଳ ପକ୍ଷରୁ ଡେବ୍ରିଗଡ଼ ଠାରେ  ଅନୁଷ୍ଠିତ ହୋଇଯାଇଛି । ଏଥିରେ ଯୁବ ସମାଜସେବୀ ତଥା ଜାତୀୟ ପର୍ବତାରୋହୀ ଆଶୀର୍ବାଦ ମହାପାତ୍ର (ଅନୁପ) ମୁଖ୍ୟ ବକ୍ତା ଭାବେ ଯୋଗଦାନ କରି ସେଠାରେ ଉପସ୍ଥିତ ଥିବା ସ୍କୁଲ କଲେଜ ଛାତ୍ରଛାତ୍ରୀ ତଥା ଅନ୍ୟାନ୍ୟ ଉତ୍ସାହୀ ଯୁବ ସମାଜଙ୍କୁ ନିଜେ ଅଙ୍ଗେ ନିଭେଇଥିବା ପର୍ବତାରୋହଣର ବିଭିନ୍ନ ଘଟଣାବଳୀ ଓ ଅନୁଭୂତି ସମ୍ପର୍କରେ କହିଥିଲେ । ସେ ମଧ୍ୟ ପର୍ବାତାରୋହଣ ବିଷୟରେ ସମ୍ୟକ ଧାରଣା ପ୍ରଦାନ ସହ ନାନା ସରଞ୍ଜାମ ବିଷୟରେ ବୁଝାଇଥିଲେ ଓ କିପରି ପର୍ବତାରୋହଣ କରି ଆମେ ଆମ ରାଜ୍ୟ ତଥା ଦେଶର ସୁନାମ କରିବା ସେ ନେଇ ଅନୁପ୍ରାଣିତ କରିଥିଲେ । ଡିଏଫଓ ଅଂଶୁପ୍ରଜ୍ଞା ଦାଶଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ  ବନ୍ୟ ଅଧିକାରୀ ଓ କର୍ମଚାରୀ ମାନେ ସକ୍ରିୟ ସହଯୋଗ କରିଥିଲେ ।