ଶାଗବାହାଲ ପଂଚାୟତ ଅନ୍ତର୍ଗତ ସିକିପାନୀ ଗ୍ରାମ ର ୧୪ ବର୍ଷର ଜନୈକ ଝିଅ ଅପହରଣ

ସୁନ୍ଦରଗଡ଼,ତା:୧୭/୧୧/୨୪ରିଖ (ସନ୍ଧାନ ନ୍ୟୁଜ /ଦୁର୍ଯ୍ୟୋଧନ ଗରଡ଼ିଆ )ଗତ ୭ତାରିଖ ଗୁରୁବାର ଦିନ ପ୍ରାୟ ୩ ଟା ସମୟ ରେ ଶାଗବାହାଲ ପଂଚାୟତ ଅନ୍ତର୍ଗତ ସିକିପାନୀ ଗ୍ରାମ ର ୧୪ ବର୍ଷର ଜନୈକ ଝିଅ ତାଙ୍କ ନିଜ ଗାଁ ପାଖରେ ଜଣଙ୍କର ଧାନ କାଟିବା ପାଇଁ ଯାଇଥିବା ବେଳେ ଝାରଖଣ୍ଡ ର ୨ ଜଣ ପିଲା ଝିଅ ର ଫେରିବା ବାଟ ରେ ଝିଅ ଟିକୁ ଦୁଇ ଚକିଆ ଯାନ ରେ ଟେକି ନେଇ କୁଆଡେ ପଳାଇ ଯାଇଥିଲେ l ଝିଅ ଘର କୁ ନ ଫେରିବା ରୁ ଘର ଲୋକେ ପ୍ରଥମେ ନିକଟ ବନଡେଗା ଫାଣ୍ଡି କୁ ଯାଇ ଜଣାଇଥିଲେ l ବନଡେଗା ଫାଣ୍ଡି ଅଧିକାରୀ ତଳସରା ଥାନା କୁ ପଠାଇ ଥିଲେ l ସେମାନେ ତଲସରା ଥାନା କୁ ଲିଖିତ ଅଭିଯୋଗ ଦେଇ ଥିଲେ । ତା ସହିତ ଝିଅକୁ ଝିଅର ବାପା ଖୋଜାଖୋଜି କରୁଥିବା ବେଳେ ତାକୁ ତଲସରା ଥାନା ଅନ୍ତର୍ଗତ ତୁମଳିଆ ଗ୍ରାମରେ ପାଇଲା ପରେ ପରେ ଥାନାକୁ ଅବଗତ କରାଇବା ସହିତଝିଅକୁ ନେଇ ଥାନାରେ ପହଞ୍ଚିଥିଲେ । ତଲସରା ଥାନା ଅଧିକାରୀ ଏକ ଅପହରଣ ମାମଲା ରୁଜୁ କରି ଝିଅ କୁ ସୁନ୍ଦରଗଡ଼ ମୁଖ୍ୟ ଚିକିତ୍ସାଲୟ କୁ ଡାକ୍ତରୀ ମାଇନା ପାଇଁ ପଠାଇଥିଲେ । ତା ସହିତ ପୋଲିସ ଘଟଣାର ତଦନ୍ତ କରୁଥିବା ଜଣାପଡିଛି ।