ଯାଜପୁର, ୯/୨ (ସନ୍ଧାନ ନିୟୁଜ/ମାନସ ରାଉତ) ଧର୍ମଶାଳା ଥାନା ଅନ୍ତର୍ଗତ କଂଟିଗଡିଆ ବୁଲା ଢାବା ନିକଟରେ ଆଜି ସଂଧ୍ୟାରେ ଏକ ମର୍ମନ୍ତୁଦ ସଡକ ଦୃର୍ଘଟଣାରେ ଦୁଇଜଣଙ୍କର ଶୋଚନୀୟ ମୃତୁ୍ୟ ଘଟିଛି । ମୃତକ ଦୁଇଜଣ ହେଉଛନ୍ତି ସ୍ଥାନୀୟ ନେଉଳପୁର ଗ୍ରାମର ରମେଶ ମହାନ୍ତିଙ୍କ ପୁଅ ସନ୍ଦୀପ ମହାନ୍ତି(୨୮) ଏବଂ ଗଣେଶ୍ୱର ରାମଙ୍କ ପୁଅ ସୌମେନ୍ଦ୍ର ରାମ ବୋଲି ଜଣାପଡିଛି । ଦୁଇଜଣ ଯୁବକ ପରସ୍ପର ଭଲ ବନ୍ଦୁ ଭାବରେ ଜଣାଶୁଣା ଥିବା ବେଳେ ଆଜି ନିଜର ଏକ କାର୍ଯ୍ୟରେ ଯାଇ ପାରାଦୀପ-ଚଣ୍ଡିଖୋଲ ଜାତୀୟ ରାଜପଥ ଦେଇ ଘରକୁ ଫେରୁଥିବା ବେଳେ କୌଣସି ଏକ ଗାଡି ତାଙ୍କୁ ଧକ୍କା ଦେଇ୍ଥିଲା । ଫଲରେ ଘଟଣାସ୍ଥଳରେ ଦୁଇସାଙ୍ଗଙ୍କର ମୃତୁ୍ୟ ଘଟିଛି । ଖବର ପାଇ ସ୍ଥାନୀୟ ଲୋକେ ରାଜପଥ ଅବରୋଧ କରିଥିଲେ । ପୋଲିସ ଘଟଣାସ୍ଥଳରେ ପଂହଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବାକୁ ଉଦ୍ୟମ ଚଳାଇଛି । ଏଭଳି ଏକ ଦୁଖଃଦ ଘଟଣାରେ ସମଗ୍ର ନେଉଲପୁର ଗ୍ରାମରେ ଶୋକର ଚାୟା ଖେଳିଯାଇଛି । ଦୁଇପରିବାରକୁ ସରକାରୀ ସାହାର୍ଯ୍ୟ ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି ।
