ବ୍ଲକ ସ୍ତରୀୟ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ କାର୍ଯ୍ୟକ୍ରମ- ୨୦୨୫ ଅନୁଷ୍ଠିତ

ସୁନ୍ଦରଗଡ ତା:୨/୧୨/୨୦୨୫(ସନ୍ଧାନ ନ୍ୟୁଜ/ଦୁର୍ଯ୍ୟୋଧନ ଗରଡିଆ) ବାଲିଶଙ୍କରା ବ୍ଲକ ବାଲିଶଙ୍କରା ସରକାରୀ ବିଦ୍ୟାଳୟ ପରିସରରେ ବ୍ଲକ ସ୍ତରୀୟ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ କାର୍ଯ୍ୟକ୍ରମ- ୨୦୨୫ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ବ୍ଲକ ସାମାଜିକ ସୁରକ୍ଷା ଅଧିକାରୀ ରୁବିନା ଏକ୍କା ସହିତ ବାଲିଶଙ୍କରା ବ୍ଲକ ଅଧ୍ୟକ୍ଷା ଶ୍ରୀ ମତି କୁଞ୍ଜଳତା ଭିତ୍ରିଆ ଓ  ଉପାଧ୍ୟକ୍ଷ ଶ୍ରୀ ପିତାମ୍ବର ଶେଖର ଦେଓ ଯୋଗ ଦେଇଥିଲେ । ବ୍ଲକରେ ଥିବା ଭିନ୍ନକ୍ଷମଙ୍କ  ପରୀକ୍ଷା ନିରୀକ୍ଷା ଉପରେ ଗୁରୁତ୍ବ ଦିଆଯାଇଥିଲା । ସଉନା ମରା ଗ୍ରାମ ପଂଚାୟତ ସମିତି ମେମ୍ବର ଶ୍ରୀ ମତି ବେଳମତି ଧୃଆ, ରାମ ପୁର ଗ୍ରାମ ପଂଚାୟତ ସମିତି ମେମ୍ବର ଶ୍ରୀ ପ୍ରମୋଦ କୁମାର ମିଞ୍ଜ ଉପସ୍ଥିତ ଥିଲେ l ସମସ୍ତ ଅଙ୍ଗନବାଡି କର୍ମୀ, ଆଶା ଦିଦି,ବିଦ୍ୟାଳୟ ଶିକ୍ଷକ ଶିକ୍ଷୟିତ୍ରୀ, ସମସ୍ତ ପଞ୍ଚାୟତ ପି. ଇ. ଓ. ଓ ଅନ୍ୟାନ୍ୟ ପଂଚାୟତ କର୍ମୀ ମାନେ ଯୋଗ ଦେଇଥିଲେ l ବାଲିଶଙ୍କରା ସରକାରୀ ବିଦ୍ୟାଳୟ ର ଛାତ୍ର ଛାତ୍ରୀ ମାନେ ଉପସ୍ଥିତ ରହି ଭିନ୍ନକ୍ଷମ ଲୋକ ମାନଙ୍କୁ ସହଯୋଗ କରିଥିଲେ l ବ୍ଲକ ର ସବୁ ଅଞ୍ଚଳ ରୁ ଭିନ୍ନକ୍ଷମ ସଦସ୍ୟ ସଦସ୍ୟା ମାନେ ଆସି ଏହି କାର୍ଯ୍ୟକ୍ରମ ରେ ଯୋଗ ଦେଇ ନିଜ ନିଜର  ସ୍ବାସ୍ଥ୍ୟ ପରୀକ୍ଷା କରିଥିବା ଦେଖିବାକୁ ମିଳିଥିଲା। ଏଥିରେ ସର୍ବମୋଟ ୧୮୨ ଜଣ ସ୍ବାସ୍ଥ୍ୟ ପରୀକ୍ଷା କରିଥିବା ସୂଚନା ମିଳିଛି।