ବ୍ଲକ କଳାକାର ସଂଘ ପକ୍ଷରୁ ଶୋକସଭା

ବଡଚଣା, ୨/୭(ସନ୍ଧାନ ନିଉଜ) : ବଡଚଣା ବ୍ଲକ କଳାକାର ଓ ସାଂସ୍କୃତିକ ସଂଘ ସଭ୍ୟ ଶେଷବାସ ମହାପାତ୍ରଙ୍କ ବିୟୋଗରେ ଆଜି ଏକ ଶୋକସଭା ବନ୍ତଳା ଠାରେ ଅନୁଷ୍ଠିତ ହୋଇଯାଉଛି । ଦିର୍ଘ ଦିନଧରି ବ୍ଲକ କଳାକାର ସଂଘର ସଭ୍ୟ ଭାବରେ କାମ କରି ଶେଷବାସ ଗତ ମାସ ୨୬ ତାରିଖରେ କାମଳ ରୋଗରେ ମୃତ୍ୟୁବରଣ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୫୨ ବର୍ଷ ବୟସ ହୋଇଥିଲା । କିଛି ଦିନହେବ ସେ ରୋଗାଗ୍ରସ୍ତ ହୋଇ ଚିକିସôିତ ହେଉଥିବା ଅବସ୍ଥାରେତାଙ୍କର ମୃତ୍ୟୁ ଘଟିଥିଲା । ତାଙ୍କର ମୃତ୍ୟୁରେ ଆଜି ବ୍ଲକ କଳାକାର ସଂଘ ପକ୍ଷରୁ ନିଜ ଗାଁରେ ଏକ ଶୋକସଭା ଅନୁଷ୍ଠିତ ହୋଇଯାଇଛି । ସଂଘର ଉପସଭାପତି ପ୍ରମୋଦଚନ୍ଦ୍ର ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ବ୍ଲକ କଳାକାର ସଂଘର ସମସ୍ତ ସଭ୍ୟ ଉପସ୍ଥିତ ରହି ସ୍ୱର୍ଗତ ଶେଷବାସଙ୍କ ଜୀବନୀ ଉପରେ ଆଲୋକପାତ କରିଥିଲେ । ସମସ୍ତସଭ୍ୟ ତାଙ୍କ ଫଟୋଚିତ୍ରରେ ମାଲ୍ୟାର୍ପଣ କରି ସମବେଦନା ଜଣାଇଥିଲେ । ସଂଘର ସଭ୍ୟ ତରଣୀସେନ ରାଉତ, ବିନାୟକ ରାଉତ, ମହେନ୍ଦ୍ର କୁମାର ସାହୁ, ଶରତଚନ୍ଦ୍ର ସାମଲ, ଗୋପିନାଥ ବେହେରା, ମନୋରଞ୍ଜନ ସାହୁ, ପ୍ରବୀରକୁମାରମହାନ୍ତି, ଭରତଚନ୍ଦ୍ର ନାୟକ ପ୍ରମୁଖ ଉପସ୍ଥିତ ରହି ସହଯୋଗକରିଥିଲେ ।